Barinceyo taada kuna Nyɔɔ Kogi, bara kpei weima ka gonna gɔrɔdɔ́ beeri. Wasãgariyo dɔ́, Nyɔɔ Kogi ya bara siiniyo cɛrimakpɛɛ ka yei ka bara bɔ̀rɔ́ ka à go kpeinzeyo Wasangariyo cobu. Nŋa ya gonna yiiko à mà kpeinzetɛrɛ má nɔɔ boroo ka à cobu sɛ. Gáa hari, kuyo zaka hairayo fumbe nna safu safuyo nɔ̀ à cin guna ka má nɔ̀. Jirima beeri nɔ̀ Nyɔɔ Kogi gonna azama, nŋa ya yaara ko kpeinze alwaasinzeyo jisi, baamɛi nna à gɔrdɔ́ ka barika dam ǹ ga. Gaani wakati, Nyɔɔ Kogi gono boroo ka de si síi, gaani hɔɔrɛ di su taba ka tɛɛ. Kpeitɛrɛ fuuyo ka NikKi ganna malakayo kuna, Nyɔɔ Kogi ya kpeitɛreɛ tita di cɛrima. Nyɔɔ Kogitɛrɛ gono kpeitɛrɛ fuuyo hinzayo wɔ̀ : Lafiaruyo, Makararuyo nna Kɔraruyo dɔ́. Nyɔɔ Kogi ya bara weibɔ́rɔ̀yo siyaasa yiiko, kpeitɛrɛ fuu kuna. Yiiko jirimayo ko jinayo kpei zɔɔmàyo sɛ.
Máa : Nyɔɔ Kogi