Anasaara handu iggantɛ ŋwɛnɛ jibiri hinkantɛ, jiiru 1933 kwarfa, Benɛɛ ganna ka à má zeenɔ̀ nɔ̀ Dahome. À síi hunde nɔ̀ anasaara handu weintɛ ŋwɛnɛ jibiri 14ntɛ, jiiri 2015 Kutɔ̀nu kuna. Benɛɛ gannakpɛɛ zeenɔ́ nɔ̀ Mathieu Kerekou bara. Anasaara handu weintɛ (10ntɛ) ŋwɛnɛ jibiri 26, jiiri 1972 à nà gannakpɛɛ ka à go gɔrɔyo waati tum ka zèerì nna kuu deta ka ganna yiiko tàa hali jiiri 1990, nasaara handu iyaakuntɛ ŋwɛnɛ hanu sinte. Mathieu Kerekou fefei nna ganna kpeitɛrɛ fuu wakati ka Benɛɛ ganna duu nawɛyayo nŋa haya fɔ́ su dira. Waati di nɔ̀ kumma beeri cɛɛ ka gannanze damtakala kulu cɛɛ ǹ mà kàa lasabu macɛrɛsɛ mà tɛɛ haya kulu mà boori… Kumma di kuna, ǹ disi ka Nicephore Soglo mà ganna yiiko tàa jina. Nŋa Kerekou nɔɔ à sɛ. Mathieu Kerekou ka yaara ka kpeitɛrɛ di ŋwaa jiiri 1996. Jiiri 2006 à kpeitɛrɛ di nɔɔ Yayi boni sɛ tɛtɛ biriyo banna. À huna kuna, Mathieu Kerekou cíi amisa hanga fɔ́ harukusu (pasteur pentecôtiste)
