Kɔ̀tɔ̀ au saafu Kɔ̀tɔ̀ bara dom boroo saafu ka ǹ go tɛɛ Benɛɛ ganna. Hanfaani tutuuma nɔ̀ gonna gàá kuuru ŋwɛnɛ alaafia sɛ. Tuuri bɔɔsɔ nna jiimɛnɛ ka kuna ǹ ǹa kakawo, kpakpajii, kpapa saku nna aleejii nna hari margu nɔ̀ ǹ go Kɔ̀tɔ̀ tɛɛ nna. Zeituunjii si à kuna, haya ka à nam à bara ŋwaani nna Marɔɔk ganna safu bii himɛntɛ. Kɔ̀tɔ̀ bara koo ŋwɛɛrayo safunu himɛntɛ amma, hɔ̃yo wɔ̀ zaamaaninzeyo su kɔ̀tɔ̀ loo báyo, báka, kɔ̀tɔ̀ gáà kuuru dalla bibiyo tuusu ko g’à à hinu ka yeiko g’à à nɔɔ à gɛiyo nna à booriyo. Afiriki Weenu kaniya gannayo kuna Kɔ̀tɔ̀ gono, ka gonna má ŋwaani ŋwaani. À gono Nanjeeri, Gaana, Togo. Yoruba cinɛ̀ gà, à má nɔ̀ Ose dudu[1][2].
Máa : Kɔ̀tɔ̀