Máa : Dendi cinɛ̀
Dendi cinɛ̀, nɔ̀ sɔŋay cinɛ̀ ka ǹ go senni Benɛɛ Ganna. Ganna ŋmɛnɛ̀ Areewa kpaarayo ka ǹ kuna cinɛ̀ di go bayanayo nɔ̀ : Zugu, Kparaku, Kandi, Taasi, Karmama, Gene. Kpaarayo wɔ̀ banna, ǹ ba di dendi cinɛ̀ Kpɛllɛ̀, Niki, Koparugo, Naatitingu, Tangieta, Bukumbè, Glazuwe. Dendi cinɛ̀ na kɛi kpaarayo di tìkì kuna, à màakpɛɛyo go seiyo Benɛɛ ganna gòota taaciyo kulu kuna. De kabukabuyo ba zà deede ga, dendi cinɛ̀ nɔ̀ Benɛɛ Areewa cinɛ̀ sintè ka à go jinayo cinɛ̀ cinniyo sɛ. Dendi cinɛ̀ gonna dɛllɛ hinza, ka ǹ go à senni, Zugu cinɛ̀ dɛllɛ, Kparaku cinɛ̀ dɛllɛ, Kandi cinɛ̀ nna Tassi/Karmama dɛllɛ. Cinɛ̀ gure bô[1]'[2].