Máa : Ajaase
Ajaase bara Benɛɛ Ganna Alkariya nyaa. Atilãtiki teeku hari mɛ nɔ̀ gono. Isa hari à bara Kilomɛtiri weicinni hinza (km13) ya go à fefei nna Atilãtiki teeku hari. Isa di beeriyo zaka bara mɛtiri zɔŋ hinka nna aweitaaci cinni gu (m245) nŋa à daari kilomɛtiri 52 nna awaranka cinni gu zaka (km52,23). Ajaase gono nɔ Kutɔnu ŋwɛnɛ weenu kaniya, nŋa Kutɔnu, kilomɛtiri waranza (km 30) ya go ǹ fefei. Weenu hiniya kammɛ, kilomɛtiri wei cinni hinka (km 12) ya go à fefei nna Nanjeeriya booda. Kɔmiiniyo ka ǹ go Ajaase kɔɔliyo ya cí : Misirete, Afaranku nna Ajara Areewa kammɛ, Sɛmɛ-Kpoji, Yamma kammɛ, Adjarra Weenu huniya kammɛ nna Agegeyo, Weenu kaniya.