Майла ахирличиб лерилра славянтала улкназибра, Россиялизибра славянтала белкIла БархIи дурабуркIуси саби. ИлхIели славянтала белкIла хIурпри цаладяхъибти, Библия ва цархIилти православиела жузи греканала мезличирад славянталайчи шурдатурти, дурхъати узби Кирилл ва Мефодий гьанбуршути саби. Россиялизиб илди узбала хIурматбируси бархIи 1863 ибил дусличибад дурабуркIес бехIбихьибтири. БусягIятла ил у байрамлис 1986 ибил дусличибад бихьибсири, 1991 ибил дуслизиб биалли, ил бархIи гьар дус майла 24-личиб дурабуркIеслин хIукму барибсири.
Гьар дус ил славянтала белкIла БархIи дураберкIес декIар-декIарти шагьурти чердиркIутири, масала, Великий Новгород, Владимир, Ярославль, Рязань ва цархIилти. Амма, 2010-ибил дусличибад бехIбихьили лерилра далдуцуни Москвализир дурадуркIу. Дагъистайзибра ил байрам дурабуркIес гIядатли бетаурли саби имцIаливан урусуни хIербирути Къизларла ва Тарумовкала районтазиб, Къизлар шагьарлизиб.