Дагъиста халкьла поэт Рашид Мажидович Рашидов акIубси сай 1928 ибил дуслизив Сергокъалала районна Ванашимахьилизив. 1949 ибил дуслизиб Дагъиста педагогикала институтла историяла факультет таманбарибсири, 1958 – ибил дуслизиб биалли – Москвализибси М.Горькийла уличилси литературала институтла гьаларти литературала черяхIти курсани. СССР-ла АН-ла Дагъиста филиалла историяла, мезла ва литературала Институлизив узули калун. Ил илкьяйдали «Гьалмагъдеш» альманахла даргала выпускла редакторлира вирусири, даргала радиовещаниела бекI редакторла хIянчи дузахъи, Дагъиста писательтала Союзла даргала секциялис бекIдешдири.
Р.Рашидовла назмуртала «Дила талихI» бикIуси цаибси сборник 1948 ибил дуслизиб дурабухъунсири. КIинайс дурадухъун илала цархIилти сборникунира: «ТалихI сархутачила» (1951 ибил дус), «Назмурти» (1953 ибил дус), «Дила биштIати гьалмагъунас» (1954 ибил дус), «ЖибхIни» (1956 ибил дус), «Агь, Ибрагьим, Ибрагьим» (1961 ибил дус) ва дахъал цархIилти. Рашид Рашидовли дебали халаси устадешличил дирусири тилмажла хIянчира. Илини даргала мезличи шурдатур А.Пушкинна, М.Лермонтовла, В.Маяковскийла назмурти. Илала гIяхIцад произведениебира урус мезличи ва СССР-ла халкьанала цархIилти мезаначира шурдатурти сари.
Ссылкабе edit
- Краткая литературная энциклопедия
- Национальная библиотека Республики Дагестан имени Расула Гамзатова: Рашидов Рашид Меджидович
- Литературы народов России: XX в.: словарь. / Отв. ред. Н. С. Надъярных. — М.: Наука, 2005. — 365 с. — ISBN 5-02-010208-3