Кочхюрлан СягIид – лезгибала машгьурси ашуг – поэт сай. Ил акIубси сай Кюрила ханстволизибси (Гьанна Курахла районнизибси) Кочхюр бикIуси шилизив. Ил учIахъес мадрасализи вархьибсири, амма илис ил таманбарес имканхIебакIиб: бегIти бебкIили, ил цIуръавиуб. Беркеси кьацI баргес багьандан ил Азербайджайзи ваиб. Илабти ашугуначил тянишиуб. Хъули чарухъунхIели, СягIидли ханани, давлачебти пужбири, илдани мискинтачи дирути гуж-зулмурти чедиахъи.
Илала далуйти гIяхIхIедизур Кюрила вегIбекI Сурхай ханнис. Кочхюрлан СягIидли сунела назмуртазир Сурхай ханна зулмукардеш ва хIиллакардеш чедаахъиб. Илбагьандан ханни буйрукъбарили, сунечи ашуг кахъибсири ва илала х1улби адитIунтири. СягIид ханнис мутIигIхIекIиб ва «Мурсалханничи лягIнат» бикIуси назму цалабяхъиб. Ил образ ца Сурхай ханнацун ахIен. Лебилра итхIелила хананала образ сабри илбагьандан назмулис ашугли «Мурсалханничи лягIнат» бикIуси у бедили сай.
Память
edit- Курахла районнизиб, Кочхюр шилизиб ахьеб поэтис памятник