মুর়ইল্লা সিটাঙ বাঙলাদেশর ডঁ৴র সিটাঙ এরিয়ার তিন্নান মুর়ইল্লা জেলা লইয়েরে বানাইয়া। জেলা তিন্নান অ়ইলদি রাঙগামাটি, বান্দরবন, হ়াগরাস়রি। আগে ইন বেগ্গিন সিটাঙ জেলার ৱুতুরে আস়িল, বিটিশ আমলত ফ্রশাশনিক হোৰাইশর লাই বুলি ইনরে মুর়ইল্লা সিটাঙ ইয়া নেকি Chittagong Hill tracts নামে আলগ গরা গেইয়ে। ফরদি বাঙলাদেশ শ়াদিন অইবার বাদে মুর়ইল্লা সিটাঙরে তিন্নান জেলাত ৱাগ গরা গেইয়ে। ইয়া এই তিন্নান জেলা লই মুর়ইল্লা সিটাঙ আন্সলিক ফরিশদ নামে এক্কান ফ্রশাশনিক ইউনিট আসে। উগ্গা সিয়ারমেন ইয়ানর মাতা। ইয়ারন হেডকোয়াটার রাঙগামাটিত।