Wp/crs/Lingua Franca Nova

Lingua Franca Nova, i en langaz oksilyer orizinalman konstrir par C. George Boeree sorti Liniversite Shippensburg, Pennsylvania, e devlope par bokou son bann itilizater. son vokabiler i baze lo bann langaz roman: Franse, Italyen, Portige, Espanyol, ek Katalan.

Lentrodiksyon

Lingua franca nova ti ganny konsevwar pou vin en langaz kominikasyon enternasyonal, partikilyerman senp, koeran, e fasil pou aprann. I annan bann kalite ekstrememan pozitiv:

1. I annan en nonm fonem limite. i resanble Italyen oubyen Espanyol.
2. I ganny ekrir parey i sonnen (prononse). napa zanfan ki devret pas plizyer lannen pe etidye bann iregilarite.
3. I annan en gramer konpletman regilye, parey avek bann kreol dan lemonn.
4. I annan en set afiks prodiktiv limite e konpletman regilye pou derivasyon mo routin.
5. I annan bann lareg byen defini pour lord bann mo, anliny avek bokou langaz mazer.
6. Son vokabiler i fortman anrasinen dan bann langaz roman modern. sa bann langaz zot menm zot propaze e enfliyan, an plis zot in kontribye laplipar vokabiler angle.
7. I ganny konsevwar pou li natirelman aksepte bann neolozim teknik Laten ek Grek, de facto “standar mondyal”.
8. In ganny konsevwar pou paret relativman “natirel” pou bann ki familye avek bann langaz roman, san ki i pli difisil pou lezot aprann.

Listwar

Boeree ti konmans konsevwar Lingua Franca Nova an 1965, avek bi kree en langaz oksilyer enternasyonal senp, koeran e fasil pou aprann pou kominikasyon enternasyonal. I ti ganny enspire par Mediteranean Lingua Franca ou "Sabir", en pidgin romans ki ti ganny servi par bann maren ek marsan Eropeen koman en langaz fransa dan Basen Mediterane depi 11-18enm syek, e par bann diferan kreol tel ki Papiamento ek Kreol Aysyen. I ti servi Franse, Italyen, Portige, Espanyol, ek Katalan koman bann leksifye.

Lingua Franca Nova ti premyerman ganny prezante lo enternet an 1998 en Yahoo! group ti ganny formen an 2002 par Bjorn Madsen, e ti ariv apepre 300 manm ki ti kontribye en kantite dan levolisyon sa langaz.

An 2005 Stefan Fisahn ti kree en wiki pour sa langaz. Wiki ti bouz lo Wikia an 2009, apre ti ganny host direkteman lo sit web ofisyel an 2019.

An 2007, Igor Vasiljevic ti kree en group Facebook, ki aprezan i annan plis ki 600 manm.

LFN ti ganny en dezinyasyon ISO 639-3 ("lfn") par SIL an Zanvye 2008.

An 2008 Simon Davies ti konmans fer bann azour enportan lo diksyonner "master" LFN-Angle ki kapab ganny rode. Sa diksyonner pe ganny garde azour lo sit web ofisyel, avek plis ki 20,000 lantre, e ti menm ganny pibliye an form enprimen an 2018.

An 2012 en roman antyerman tradwir dan Lingua Franca Nova ti ganny pibliye pour premye fwa an form enprimen: La aventuras de Alisia en la pais de mervelias, ki tradiksyon Simon Davies lo Alice's Adventures in Wonderland par Lewis Carroll.

An 2014 en nouvo sit web ofisyel ti lanse lo domenn "elefen.org": i ofer diferan sipor lansennyman (tel ki lalis mo pour bann vwayazer, bann gid gramer konplet) disponib dan plizyer langaz, e i host en wiki ek diksyonner ofisyel ki kapab ganny rode. Serten travay literer antyerman tradwir an Lingua Franca Nova i osi disponib piblikman lo sit web ofisyel pour lir. Sa sit web i aprezan konteni en legzanp dyalog konversasyonnel: La conversa prima pour bann apranti ki pe komanse https://www.elefen.org/leteratur/la_conversa_prima.html

Le 18 Avril 2018, Wikipedia an Lingua Franca Nova, apele "Vicipedia", ti ofisyelman lanse koman en proze Wikipedia regilye.

LE 15 Me 2020 lo web e le 10 Me 2021 dan form enprimen premye roman literer orizinal ekrir an Lingua Franca Nova ti ganny pibliye: La xerca per Pahoa, par Vicente Costalago.

Le 5 zanvye 2021, kreater sa langaz, C. George Boeree, ti mor avek kanser pankreas a laz 68 an.