Chang-kô̤ Pó-sing-gṳ̂ Hâng-ci̍ ē bâng-beông. / 參考莆仙語漢字兮版本。
Cing Á̤-so Ga̍u-hōi, sī 20 Sa̤̍-gi̍ chṳ deó De̤ng-go̤h cheoh-hēng ē Sing-ga̍u pa̍i-beh, iú Dng Léng-saⁿ gah Gūi Beô-ló̤ deó 1917-néng cho̤̍ng-li̍h. Ca̤̍-gá̤ ga̍u-hōi ē ma̍h-ba̤u sī cio̤ng cîng-giu̍ māng-míng ē ho̤h-ing dóiⁿ-ga̍u cé̤ng-sa̤̍-ga̍i, î béng ngíng-cī Á̤-so ca̍i-lí. Ging-dua̍ⁿ cô-a̤u beong-bo̍ deó Pó-chéng, Hio̤ng-gâng, Sing-ga-bo̤, Dái-uáng gah De̤ng-go̤h gah-dā̤ . Cing Á̤-so Ga̍u-hōi bau-guah Dī-se̍h Sa̤̍-gi̍ chṳ-gí iú Bî-go̤h dóiⁿ-ci̍h lí ē Ang-sih-di̍h-hōi, Se̍ng-sing-hōi, Síng-dā̤u-hōi dêng ga̍u-pa̍i deó gi-cê̤ng ga̍u-gī. I bo̍i iâ gió̤ng-dā̤u se̍ng do̤̍h-ih cing-síng; ko̤̍ cio̤ng gûi de̤̍h-kṳ̍ ē gí-dô̤ lí tái-bāⁿ, beó chiâⁿ i-saⁿ gah sia̍h-á̤u. Ceo̍ lâ̤-ba̍i ē sí-cā̤, a̤u-giú se̍ng-dó gūi-hā cá̤-lí gí-dô̤, he̍h-ciâ chio̤̍ng léng-go̤ , ta̤̍u léng-bû. I ē se̍h duā gi-bôiⁿ se̍ng-dá̤u sī：
- Se̍ng Si̍ng-síng
- Se̍ng Sâ̤-lâ̤
- Se̍ng Ko̤-sâ̤-lâ̤
- Se̍ng Si̍ng-chang-lâ̤
- Se̍ng Ang-sih-di̍h
- Se̍ng Á̤-so
- Se̍ng Si̍ng-ging
- Se̍ng Deh-giu̍
- Se̍ng Ga̍u-hōi
- Se̍ng Co̍i-āu ē Sîng-pua̍ng