Cih-ci̍ng-dô̤ng (執政黨) sī seo̍h gá̤ go̤h-ga ci̍ng-hû de̤ng he̍h-deh ci̍ng-gé̤ng ē ci̍ng-dô̤ng, ih-buang sī go̤h-ga ngé̤ng-siû, ci̍ng-hû siû-nô̤ he̍h dā̤-ho̤ng héng-ci̍ng dió̤ng-guang sê̤-se̤̍h ē ci̍ng-dô̤ng, he̍h-ciâ sī gí-ta híng-sih cí câ̤u-ah cih-ci̍ng-gé̤ng ē ci̍ng-dô̤ng.
Ba̤u-ceông ē gî-hōi míng-cṳ̂ go̤h-ga de̤ng, cih-ci̍ng-dô̤ng sī gî si̍h-ca̤̍ ko̤̍ng-ca̤̍ li̍h-hah héng-ci̍ng gé̤ng-li̍h ē ci̍ng-dô̤ng, ci̍ng-dī hā ē cih-ci̍ng gé̤ng-li̍h ih-buang hāng ṳ́ go̤h-ga tái-lî, n̄g-sī néng cing-ciaⁿ câ̤u-ah go̤h-ga ca̤̍-dō ē gé̤ng-li̍h, ing dang-ih ci̍ng-dô̤ng gah gí ci̍ng-dī-ga bú-hah dāi-bâ̤u ce̤̍h-du̍i do̤-sô ci̍ng-dī li̍h-lió̤ng. Míng-cṳ̂ go̤h-ga ē cih-ci̍ng-dô̤ng ci̍ng-dī cíng-beo̍h cāi dang-cīng go̤h-ga gah dā̤-ho̤ng ci̍ng-hû dé̤ng-a̤u cih-bū sí, ū i-hah cô-cih ci̍ng-hû gah ca̤̍-dēng ci̍ng-cheh ē gé̤ng-li̍h, dó̤ng-sí cih-ci̍ng-dô̤ng hū kî ci̍ng-dī ceh-cīng, lî bí-ō cih-ci̍ng-gé̤ng, hâ̤u-ceh hōi cāi hā cheo̍ sê̤ng-giô̤ de̤ng siáⁿ-úi cāi-iâ-dô̤ng sīng-ci̍ so̤̍ng-sih go̤h-ga céng-me̍ng ē ci̍ng-dī ua̍h-dó̤ng dā̤-ūi. Cāi ci̍ng-dô̤ng leóng-ta̤̍ de̤ng gah cih-ci̍ng-dô̤ng sio̤ng-huâng ē sī cāi-iâ-dô̤ng, cih cāi go̤h-ga gui-goiⁿ de̤ng ū si̍h-ūi, ū ci̍ng-dī dā̤-ūi ē ci̍ng-dô̤ng, he̍h huâng-du̍i-dô̤ng, cih gô̤ng-gī siō̤ng huâng-du̍i cih-ci̍ng-dô̤ng ē ci̍ng-dô̤ng.