Wp/cko/Anufᴐ Minεm

Anufᴐm wara Anofɔm wara Cakosim (Chakosim) ti Ahεm (Akan) wᴐ. Bu wo Togo miɛn n bo bu fere i ka Nzara n ni Beni asiɛn su ni Gana miɛn n bo bu fere i ka Carakpeni n wɔ.. Bu fere bu fitebiri ka Anou wara Anᴐ bo i wo Komoé nzue tin n nᴐ su Ivory Coast asεn n su dᴐ ni. Nyini ti, bu fere bu ꬼu ka Anufᴐm “minεm bo bu fite Anu”.[1] Cakosi n ti bu dasin duma wᴐ bo minε bo bu ti má Anufᴐm fa fere bu. I kεrεwa sunu, bεrε la ‘Chokossi’, ‘Chakossi, ‘Kyokosi’, ‘Kyokoshi’, ‘Tschokossi’ ni ‘Tyokossi’.

Chakosi people

ethnic group

Country	Benin, Ghana, Togo

Fa kᴐ afᴐ akpii yaa nnyᴐ ni nsan (2003) saꬼga, Anufᴐm kεrε jama kᴐ yasuuri akpii yaa ni akpii aburasan ni nso ni yaa nsɛn  wɔ (137, 600). Bu aniε bo bu jᴐjᴐ i la Anufᴐ,  Ahεm dεε aniε n barasu be. 

Anufᴐm tun bu ŋu ni bu nbaam cεεn dumam wɔ, bεrε la Amᴐε, Agisi, Kᴐsi, Ajuwa, Amana, wohoe, Yaw, Kofi, Afoe, Ngisan. Bu su ahin cεεn dumam ni su a:  Mɔnɛ (Sunday), Cise (Monday), Jɔrɛ (Tuesday), Mana (Wednesday), Wohoe (Thursday), Ya (Friday) ni Foe (Saturday).

Dadawa Saŋga/Nananu Jɔrɛ

Afᴐ akpii buru ni mᴐcuεsu n dεε bomboori saꬼga ni

Fa kᴐ afᴐ akpi buru ni mᴐcuεsu bomboori saꬼga ni, minε yasu kᴐ niεniε tanabiri n ma Anufᴐm ni Ahεm ba tiεntiεnri bu nᴐ awᴐrε kun nu wᴐ. Anufᴐm la Mande kpᴐꬼgᴐ funfᴐm ni bu nkaramᴐm bo bu fite wiε kεkεrε n dεε fᴐmbᴐrᴐ ahεmε fa tu Ahεm bo bεrε fite wiε afiiri dεε ahεmε. Bεrε Anufᴐm ni Ahεm ni Ndenyifᴐm kεrε ba boori su wᴐ na bu aniε n ni bu nasiriya yoowa kεrε asaꬼga.

fa kɔ afɔ akpii buru ni mɔcuɛsu n dɛɛ afiɛn ni afiɛn

Afᴐ akpii buru ni mᴐcuεsu n dεε afiεn saꬼga ni, na luεkunfᴐm asεsε kaan nbem ayasu afite Anᴐ, na bu nbem afa bu ti awᴐ wiε afiiri su n dεε aꬼgoro dᴐ, na bu nbem gusu awᴐ wiε n fᴐmbᴐrᴐ ahεmε, ni fa kᴐ wiε afiirisu n dεε ahεmε. Nyini luεkunfᴐ asεsε kaan m la Mande kpᴐꬼgᴐ funfᴐm ni Ahε sojam bo bu bita tuu ni Nkaramᴐ siifᴐ nbem bo bu yo tafuu.

Nyini luεkunfᴐ asεsεm ni kpakiiri Anufᴐ asiεn n nu asεsε nsan a. Bεrε la ndozom ni njem ni nkaramᴐm.

Fa kᴐ saꬼga su, nyini luεkunfᴐ asεsε n boori loko Oti dεε nzuetin kpεrε n su wᴐ. Dᴐ ye Maꬼgo miεkpiri n bo i wo Togo n wo nyuma n a.  Bu tiiri luε nbaam dεε ti, bu dᴐ má. Nyini ti, bu bo yε dᴐdᴐᴐrifᴐm bo bu bara yε bu n wᴐ na bu fin de bu fiem ni bu neꬼgem kεrε. Nyini dεε ti, na bu anya nbaram ni akᴐm ni direm ni neꬼge ndᴐrem. Fa kᴐ saꬼga su, Anufᴐm ka tanaari nyini dᴐdᴐᴐrifᴐm dεε miεm su a, na bu ni nyini minεm asaꬼga aniε ni Nasiriya (lasiriya) yoowam.

Nɔaniɛ-nbaa-fitebiri

• Kirby, J.P. (1986) God, Shrines and Problem-Solving among the Anufo of Northern Ghana. Collectanea Instituti Anthropos, No. 34, Berlin: Dietrich Reimer Verlag, for Anthropos Institute, St. Augustin.