Wp/cho/Nan ʋlhpisa pokoli

< Wp‎ | cho
Wp > cho > Nan ʋlhpisa pokoli

Nan ʋlhpisa pokoli (I̱kilish: The ten commandments, "a thing command ten")

Nan ʋlhpisa edit

  • I. Chihowa inla yʋt sa tikba ya̱ ik chim ai iksho kashke.
  • II. Na holbʋt toba, micha nana kʋt shutik ʋba ya̱, micha nutaka yakni, micha yakni nuta oka ya̱ aiasha ka̱ holba hosh chi̱ hikia hi okʋno chik ihi̱kbo kashke. Yʋmma puta ho̱ im ile hʋchukbihlepʋt chik toksanlo kashke. Chin Chihowa Chitokaka sia hʋt Chihowa anuktaha̱hla sia hatuk osh, i̱ki puyuta kʋt a̱ yoshubʋt a̱ nukkillikma, im ʋlla unchululi atuchina, ai ushta kia ai i̱ noho̱wa li yoke. Amba kʋna hosh a̱ hullol cha, ʋm anumpa ʋlhpisa puta ka̱ holitoblikma, tahlepa sipokni kanohmi kia ai i̱ nukha̱klo li yoke.
  • III. Aha ik ahnot, chin, Chihowa Chitokaka chik hochifo kashke. Kʋna hos ahah ik ahnot hochifo tukma, Chihowa hʋt i̱ kashofa he keyu hoke.
  • IV. Nitak hullo nitaka̱ holitoblit ish ithaiyanashke. Nitak hannali kak o̱ ish pilesa cha, ish a toksʋla he tuk moma ka̱ ish atahlasheke; amba nitak isht untuklo hokʋto chin Chihowa Chitokaka i̱ nitak hullo yoke. Nitak yummak okʋno natoksʋli nana kia chishno, chiso, chisotek, hatak chin toksʋli, ohoyo chin toksʋli, chi̱ nan ʋlhpoba, mikmʋt hatak ik ithano chi̱ holihta okhissa anu̱kaka hikia aiena kʋt hʋch ik a toksalo kashke.
  • V. Chi̱ki, chishki ita tuklo ka̱ ish holitoblashke. Yʋmohmi hosh chin Chihowa Chitokaka yʋt yakni chima tok a̱, chi̱ nitak ʋt a falaia hinla hoke.
  • VI. Kʋno kia chikbo kashke.
  • VII. Chik itin luma̱ko kashke.
  • VIII. Chik hu̱kopo kashke.
  • IX. Chin chuka panta hatak a̱ anumpa ik a̱hlo chik atokolo kashke.
  • X. Chin chuka panta hatak in chuka ya̱ chik anushkunno kashke; chin chuka panta hatak tekchi, micha hatak in toksʋli, ohoyo in toksʋli, micha i̱ wak, micha im issuba haksobish falaia, mikmʋt nana moma chin chuka panta hatak immi ho̱ chik anushkunno kashke.

Pisa hak edit