Wp/chn/Phiwphiw

Phiwphiw, phuiphui, pi skudzo (Sciuridae) hayu nim-ikta pus tenas x̣ələl ikta, pi kapxu khanumakwst xulxul pi ina yaka. Hayu ukuk x̣ələl ikta łaska miłait khapa stik, pi wik-hayu łaska miłait khapa łxwap khapa iliʔi. Łaska məkhmək hayu phaʔ pi taqwəla, pi wəx̣t tenas-ixt-ixt łaska məkhmək tenas uluq' pi tenas kəlakəla.

Sciuridae yaka t'uʔan hayu x̣ələl ikta. Tłunas łush pus nesaika mamuk x̣luima pipa pus khanawi ukuk x̣ələl ikta kikwəli:

Kankan edit

Kankan

Kankan (Sciurus griseus) ixt pulakhli-gli x̣ələl ikta, pi łaska miłait khapa stik. Kankan łaska məkhmək k'anawi pi lagom-stik yaka phaʔ. Chakchak, yułqat-uphuch, q'alis, p'usp'us, pi kamuks łaska məkhmək kankan.

Phiwphiw edit

Phiwphiw

Elip tenas khapa kankan Phiwphiw (Tamiasciurus hudsonicus). Pil ixt dilet "phiwphiw". Hayu phiwphiw łaska miłait khapa k'iphwat-stik-iliʔi.

Phuyphuy edit

Phuyphuy

Kakwa phiwphiw, phuyphuy (Tamiasciurus douglasii) łaska milait khapa k'iphwat-stik-iliʔi. Wik hayu phuyphuy łaska miłait khapa ulsim iliʔi kakwa dilet-phiwphiw.

Kwiskwis edit

Kwiskwis

Kwiskwis (Neotamias minimus) ixt hayu tenas x̣ələl ikta, yaka t'uʔan 5 łiʔil lop pi łun tq'up lop khapa yaka phik'w-sitkum.