Wp/chn/pʰiwpʰiw

pʰhiwpʰhiw, pʰuypʰuy, pi kankan (Sciuridae), hayu nim-ikta pus tənas x̣ələl ikta ɬaska. kakwa xulxul pi ina ukuk x̣ələl-ikta. hayu pʰhiwpʰhiw, pʰuypʰuy pi kankan ɬaska miɬayt kʰapa stik, pi ixt-ixt Sciuridae ɬaska miɬayt kʰapa ɬxwap kʰapa iliʔi. ɬaska məkʰmək hayu pʰaʔ pi taqwəla, pi ixt-ixt ɬaska məkʰmək tənas ulq’ pi tənas kəlakəla.

kʰapa Sciuridae hayu x̣ələl ikta. t’lunas ɬush pus nsayka munk x̣luyma pipa pus kʰanawi x̣ələl ikta kikwəli:

kankan

kankan (Sciurus griseus), ixt gli x̣ələl-ikta ukuk, pi ɬaska miɬayt kʰapa stik. kankan ɬaska məkʰmək k'anawi pi lagom-stik-pʰaʔ. c’hakc’hak, yuɬqat-upʰuch, q’alis, p’us, pi kʰamuksh ɬaska məkʰmək kankan.

pʰiwpʰiw

manaqi-tənas pi kankan pʰhiwpʰhiw (Tamiasciurus hudsonicus). pʰil ixt dret "pʰiwpʰiw". hayu pʰiwpʰiw ɬaska miɬayt kʰapa k’ipʰwat-stik-iliʔi.

pʰuypʰuy

kakwa pʰiwpʰiw, pʰuypʰuy (Tamiasciurus douglasii) ɬaska miɬayt kʰapa k’ipʰwat-stik-iliʔi. ixt-ixt kʰanumakwst dret pʰhiwpʰhiw pʰuypʰuy ɬaska miɬayt.

kwiskwis

kwiskwis (Neotamias minimus), ixt hayu tenas x̣ələl ikta ukuk. yaka t’uʔan 5 ɬiʔil “lop” pi ɬun tk’up “lop” kʰapa yaka pʰik’w-sitkum.