Wp/chn/mantʰana-iliʔi

< Wp‎ | chn
Wp > chn > mantʰana-iliʔi
Montana
Montana (bastən-wawa)


kʰapa bastən-iliʔi mantʰana-iliʔi. iləp-hayash kʰapa mantʰana-iliʔi kʰəpit ɬun tənəs-iliʔi kʰapa bastən-iliʔi: alaska-iliʔi, tʰiksəs-iliʔi pi kʰaliponiya-iliʔi. Helena mantʰana-tayi-tʰawn, pi Billings iləp-hayash tʰawn kʰapa mantʰana: yawa kʰəpit taɬlam-ixt tak'umunaq-tak'umunaq tilixam ɬaska miɬayt. mantʰana chaku ixt dret tənəs-iliʔi kʰapa 11-mun, 8-san, 1889. mantʰana-iliʔi t'uʔan 1,122,867 tilixam kʰapa 2022 kʰul. kʰapa spanyol-wawa, "Montaña" ixt wawa-ikta pus "lamətay-iliʔi."

nawitka, tilixam ɬaska kəmtəks mantʰana-iliʔi qʰiwa yawa hayu lamətay miɬayt.

mantʰana t'uʔan 147,040 mi²/380,800 km² iliʔi. pus kʰapa aydaho-iliʔi mayka, mayka ɬatwa qʰa-san-chaku pus ɬatwa mantʰana-iliʔi. pus kʰapa alpata-iliʔi, mayka ɬatwa kʰapa wam-iwa pus ɬatwa mantʰana-iliʔi.

anqati

edit
 
Glacier National Park, kʰapa mantʰana-iliʔi

pus dret-hayu kʰul hayu sawash-tilixam kakwa Tsétsêhéstâhese, selish, ktunaxa, siksika, pi nakʰuta ɬaska miɬayt qʰa alta mantʰana-iliʔi miɬayt. kʰapa 1803 kʰul, hayu mantʰana chaku kikwəli bastən-iliʔi, qʰiwa kʰapa ulman-luwisiyana-iliʔi mantʰana-iliʔi. kʰapa 1862, tilixam ɬaska t'ɬap hayu gul kʰapa mantʰana-iliʔi. dret mantʰana-iliʔi chaku-tənas kʰapa 1864 kʰul, bət x̣awqaɬ-munk-la mantʰana iləp 1889 kʰul.

ikta mayka munk kʰapa mantʰana-iliʔi?

edit

yawa ɬush mayka t'ɬap hayu tənəs-samən, pi ɬush mayka ɬatwa Glacier National Park, ixt hayash iliʔi hilu tʰawn qʰa iysi mayka t'ɬap hayu ays-iliʔi.