Ukuk Inuit tilixam, kopa Inuktitut tsum ᐃᓄᐃᑦ, łaska šẹwaš tilixam. Xayu łaska miłait kopa Inuit Nunangat ᐃᓄᐃᑦ ᓄᓇᖓᑦ, ẹbẹ kopa chinuk wawa, "Inuit łaska iliʔi". Kopa Inuit Nunangat kanawi Nunavut, pi elip-kul iliʔi kopa Kanada yaka x̣luima iliʔi (pi wix̣t maiʔmi-Alaska.)
Xayu Inuit tilixam sku:kum pus mamuk wawa kopa ukuk Inuit łaska lilang Inuktitut, ẹbẹ ᐃᓄᒃᑎᑐᑦ. Alta Inuit tilixam łatawa-nanich kwadis, pi łaska ulman məkəmək-ikta t'uʔn hayu glis: ulx̣ayu, saltchəqw-tipsu, ulali, karibu, kəlakəla pi pish. Inuit-tilixam mamuk hayu wik-til kənim, ebe qayaq, pi łaska mamuk ulx̣ayu-skin pus łaska mamuk ukuk bot. Alta kopa kanawi iliʔi, tilixam mamuk bot kakwa łaska qayak.
