skaləmən, elakha, elaqi əbə kwałək (Enhydra lutris) ixt x̣ulul ikta. Łaska miłait hapa saltchəqw małini kopa Alaska-iliʔi, Kinchəch-kolombi-iliʔi, Washintan-iliʔi, olekin-iliʔi, pi Khaliponya-iliʔi. Hayu skaləmən kwanisəm miłait kopa chəqw pi wik łatəwa khapa iliʔi. Skaləmən iləp hayas khapa nanamuks, łaska kaphu.
Ikta łaska məkəmək edit
skaləmən ɬaska məkʰmək ixt qwinəm-sitkəm ɬaska qʰənchi-til. ɬaska məkʰmək hayu smit'aqs, lakachi, pi saltchəqw-ɬiqaya. maɬini kʰapa alaska-iliʔi, wəx̣t skaləmən ɬaska məkʰmək pish.
Chako-mimalust pi k'ilapai edit
Hayu skaləmən chako mimalust qhənchi tilix̣am (hayu ləshən-tilix̣am pi spanyol-tilix̣am pi bastvn) łaska łatwa-nanich ukuk, wəx̣t makuk łaska skin. 1,000-2,000 skaləmən sich'um kopa saltchəqw kopa 1911, dret elip-wik-hayu khapa ukuk 150,000-300,000 skaləmən kopa 1741 khul. Khapa khul 1911, hayu iliʔi mamuk ixt chxi la pus tilix̣am: hilu mamuk-mimalust skaləmən. Pi khimt'a ukuk, hayu skaləmən k'ilapai. Alta 100,000 skaləmən miłait.
alta "Elakha Alliance" ɬaska tʰray-munk-k'ilapay skaləmən (əbə "elakha" kakwa ixt-ixt tilixam ɬaska wawa) kʰapa olekin-iliʔi.
(Alta "Elakha Alliance" klaska try-mamook-killapie skallaman (epe "elakha" kakwa ikt-ikt tillicum klaska wawa) kopa Oregon illahee.)
ɬush mayka nanich ɬaska inanet-iliʔi kʰapa https://www.elakhaalliance.org/.
qʰata skaləmən munk stun edit
skaləmən munk stun pus p'əq pi munk-kakshət smit'aqs-haws pi tuluks-haws. wəx̣t skaləmən iskam ixt ɬəq'əɬ stun pi ixt tuluks. skaləmən munk-miɬayt-kʰapa-k'wətʰin ukuk ɬəq'əɬ stun, pi munk tuluks pus p'əq ukuk stun, pi tuluks chaku-kakshət. wik nsayka kəmtəks pus skaləmən munk-kəmtəks-qʰata-munk-stun tənas-skaləmən, əbə pus hilu təmtəm skaləmən munk stun.
wəx̣t skaləmən munk saltsəqw-tipsu pus munk-x̣awqaɬ-ɬatwa qiʔx̣əch' (ixt ɬəq'əl x̣ələl-ikta kʰapa saltsəqw pus t'uʔan q'əl skin pi hayash pi skukum lima.)