Lingua Franca Nova ("chxi pʰasayuks-ləlang") əbə kʰəpit "Elefen", ixt ləlang. kʰapa 1998, C. George Boeree yaka munk-miɬayt ukuk ləlang, pi yaka tiki pus iysi-pus-chaku-kəmtəks Lingua Franca Nova. wəx̣t Boeree yaka tiki: tilixam kʰapa hayu x̣luyma iliʔi ɬaska munk ləlang pus wawa.
ɬush iktas pus "Elefen" edit
- hilu hayu ləlang-nuwis ukuk ləlang. wik x̣luyma kakwa ruma-wawa əbə spanyol-wawa mayka qʼwəlan "Elefen".
- mayka munk-tʼsəm ukuk ləlang kakwa qʰata mayka wawa ukuk ləlang. dret pʰishak pus tənəs ɬaska munk hayu kʰul pus chako-kəmtəks qʰata ɬush-munk-tʼsəm.
- ɬush pi iysi "Elefen" ləlang-laa, kakwa hayu shipman-ləlang pus mama pi papa ɬaska munk-kəmtəks ɬaska tənas shipman-ləlang (kakwa pʰasayuks-kʰri, pi wəx̣t GR tilixam ɬaska chinuk-wawa)
- ukuk ləlang tʼuʔan ixt kʰəpit pi tənəs kʼwinin-ikta pus latet-wawa pi upʰuch-wawa, pus munk chxi wawa-ikta: iysi pus chaku-kəmtəks kʰanawi ukuk tənəs-wawa-ikta.
- ukuk ləlang tʼuʔan ɬush pi iysi laa pus qʰa wawa-ikta miɬayt kʰapa ixt "kʰəpit-tʼsəm-wawa", kakwa hayu ləlang.
- ukuk ləlang iskam wawa-ikta kʰapa "Romance"-ləlang (latin-ləlang yaka hayu tənas-ləlang, kakwa spanyol-wawa, pʰasayuks-wawa pi ruma-wawa). wəx̣t hayu Romance-ləlang palach hayu wawa-ikta pus bastən/kʰinchuch-wawa.
- ɬush ukuk ləlang iskam latin-ləlang-wawa-ikta pi glik-ləlang-wawa-ikta, qʰiwa dret tilixam kʰapa kʰanawi iliʔi ɬaska munk ukuk makwst ləlang.
- nsayka tiki ukuk: pus mayka kəmtəks ixt "Romance"-ləlang, iysi pus chaku-kəmtəks "Elefen". pus hilu mayka kəmtəks ixt "Romance"-ləlang, kʰa iysi pus chaku-kəmtəks "Elefen".
(ɬush kʰapa nsayka pus dret mayka tiki "Elefen"!)