Lashandel ixt tenas glis-stik, pi katsəq ixt lashandel maika tłap ixt tenas chikəmin-lop (maika mamuk paya kopa ukuk lop.) Lashandel pałach t'wax̣ pi wam. Qənchi maika mamuk paya kopa lashandel, lashandel chako yutskat. Ankəti tilixam mamuk ulx̣ən kakwa lashandel. Nesaika iskəm ukuk chinuk wawa-ikta, "lashandel" , kopa pasiyuks-wawa yaka "la chandelle". Tilixam mamuk elip ulman lashandel kopa chaini-iliʔi wik-saya kul 200 B.C. (Ukuk ulman lashandel mamuk kwadis-glis.) Wik-hayu tilixam mamuk lashandel pus tłap taym. Alta wik-hayu tilixam mamuk lashantel qiwa chxi iwa pus mamuk t'wax̣.
