Wp/chn/kʰichx̣aan (tʰawn)

< Wp‎ | chn
(Redirected from Wp/chn/Khichxhaan (thawn))
Wp > chn > kʰichx̣aan (tʰawn)

Khichx̣aan (Ketchikan khapa bastən-wawa pi Kichx̱áan khapa łinkit-ləlang) ixt tenas thaun khapa Alaska, khapa Bastən-iliʔi. Khapa 2020 snu, 8,192 tilixam łaska miłait khapa Khichx̣aan. Khanumakwst elip ulman thawn khapa Alaska Khichx̣aan. Khapa ixt Revillagigedo-ailən Khichx̣aan. Hayu wam pus ixt thawn khapa Alaska Khichx̣aan, (~50 - 70°F/~10 - 20°C khapa wam-iliʔi, pi ~15 - 50°F/~-10 - 10°C khapa khul-iliʔi.) Khapa Khichx̣aan, snas chako khapa wik-saya 233 sən khapa ixt khul (365 sən.)

nanich Khichx̣aan khapa ixt limutai
ixt dilet khəltəs uyx̣ət khapa Khichx̣aan

Wik maika łatwa Khichx̣aan khapa uix̣ət; maika kəpit mamuk bot pus łatwa Khichx̣aan. Wik saya Khichx̣aan ixt tenas thaun, Maxłakxaała, qha hay tsmksian tilixam łaska miłait.

Anqati tilixam łaska mamuk ukuk nim Khichx̣aan pus kəpit ixt stalu, wik saya qha ukuk thaun alta miłait. Wik mesaika kəmtəks qhata Łinkit-tilixam łaska mamuk ukuk nim Kichx̱áan pus ukuk stalu: t'łunas Khichx̣ yaka stalu əbə chakchak yaka skukum tipiʔ yaka dilet nim.

anqati-thaim

edit

Anqati Łinkit-tilixam łaska mamuk-pish khapa qha Khichx̣aan alta miłait qha wam-iliʔi chako. Mike Martin yaka mamuk iləp ulman haus khapa Khichx̣aan. Alta hayu hayas-łq'up tʼəmanəwas stik łaska miłait khapa Khichx̣aan.

qhata łaska iskam dala

edit

Khapa Khichx̣aan, pus łaska mamuk dala, łaska iskam hayu pish pi łaska mamuk-xwim hayu stik. Tilixam łaska kəmtəks Khichx̣aan kakwa Salmon Capital of the World (khanawi iliʔi yaka tayi-thawn pus samən.) Khapa 2018 snu, iləp-kakwa thausən-thausən tilixam łaska chako khapa Khichx̣aan pus nanich ukuk thaun.