Wp/cak/nab'ey taq xukulem

< Wp‎ | cakWp > cak > nab'ey taq xukulem

Ri maya’ mejlem – xukulem – k’awomanïk – kotz’i’jEdit

Ri Qati’t Qamama’ xkiya’ kan chiqe jun nimaläj etamab’äl, chi jantape’ k’o chi niqanataj ri kib’i’ chuqa’ ri kik’ojlem, ruma, rije’ k’a, xkisipaj el ri qak’aslem.

Chupam ri loq’oläj wuj richin ri Popol Wuj, nutzijoj chi ke ri’ xkib’ij rije’: “kojinataj, man jun b’ey ta xkojimestaj rïx ixqal, rïx ixqajotay, tinataj k’a chi röj xqasipaj ri ik’aslem”. Keri’ k’a rije’ chuqa xkik’ut kan chi kiwäch ri ojer taq winaqi’, achike kisamajob’äl, kipatan samaj.

Ruma’ ri’ chupam re ch’uti’ tzijonem re’ xtink’ut kan achike’ rub’eyal yek’awoman chi re ri Ajaw ri qach’alal e’ajq’ija’, cupam ri qatinamit chi Xot, ruma’ nintz’ët chi jun etamab’äl yalan nïm rejqalem chi k’atzinel chuqa’ chi man jun b’ey ta xtimestex.

Ri nab’ey taq xukulem:Edit

Pa taq kikojol taq juyu’ chuwäch r nimaläj taq ab’äj, chi ruwäch ri raqän taq ya’ chuqa’ palow, toq k’o jöb’ toq k’o k’atän, majun k’ayewal rik’in ri Qati’t Qamama’ richin yeb’iyin, richin yexuke’, yexajon chi ruchi’ q’aq’.

Pa qetamab’äl jun xukulme ja ri’ rub’eyal yojk’awoman, yeqanataj ri winaqi’ xeq’a’x yan chupam jun chik k’aslem, akuchi’ xkiya’ kan ri kich’akul, po wakami ekaq’ïq’, esutz’, emayül, richin ta k’a man nimestex ta kik’ojlem.

Chupam ri Popol Wuj nub’ij k’a chi ri nab’ey taq Ajq’ija’ Xpiyakok chuqa Ixmukane’ kib’i’, ruma rije’ k’a xe’ajilan ri taq q’ij richin ta nikib’än ri ke’en richin rub’anïk jun winäq, rije’ k’a echajinela’ richin ri maya’ cholq’ij, rije’ k’a xkik’utuj q’ij chi ke ri taq rija’tz ri tz’ite’ rije’ xkiwokisaj oxlajk’al taq ija’tz richin tek’utun richin nketamaj nkisol jun k’ayewal.

Ri Ajq’ija’ k’a ja ri’ ri kib’i’ ri winaqi’ yech’on rik’in ri Ajaw, rik’in ri taq winaqi’ säq kiwi’, säq kinojib’al, rije’ k’a man kimestan ta ri kixe’el, rikipison q’aq’al.

Ri nab’ey taq winaqi’:Edit

Nutzijoj k’a chupam ri wuj tz’ib’atäl richin ri aj Tz’olojya’ chi toq ri nab’ey taq winaqi’ xeb’e’el ke la’ Tulan, Q’aqawitz chuqa Saqtekaw, xkiya’ chike ri kipison q’aq’al, ri nab’ey taq winaqi’ kib’i’: B’alam k’itz’e’, kaja’ paluna’; B’alam Aq’ab’, Chomija’; Majukutaj, Tz’ununija’; Iq’ Balam, Kaqixaja’, rije’ k’a xe’aláx toq k’a majani’ tan el el ri q’ij, toq xaláx ri q’ij xaláx chuqa ri k’aslem.

Chupam k’a ri Pison q’aq’al xya’ox chike ruk’wa’n ri oxlajk’al taq rija’tz ri tz’ite’, pison ri pa jun käq su’t, chuqa’ nuq’ajuj ri oxlajk’al q’ij chupam ri maya’ cholq’ij, ri oxlajuj ik’, k’o juk’al q’ij chi kijujunal.

Ri nab’ey taq sipanïk xkiya’ ri nab’ey taq winaqi’, ja ri’ ri pom, chuqa’ ruxaq eya’ pa q’aq’, ri q’aq’ nuq’ajuj k’a ri rutikirib’äl ri k’aslem chupam ri kajulew, pa taq xukulb’äl k’a xkipab’a’ kan ri nimaläj taq uchuq’ab’il, ri nimaláj taq chajinela’ richin ri taq juyu’ taq’aj.

Janila’ ním ri ajowab’ál k’a k’o chupam ri kik’u’x ri nab’ey taq winaqi’ rik’in ri Ajaw, ruma ri’, man k’o ta k’ayewal, rik’in kikotem ri kik’aslem rik’in ri Ajaw, rik’in ri kajulew, rik’in ri qate’ ruwach’ulew.

Ri waqxaqi’ b’atz’:Edit

Nunataj chiqe chi ri maya’ cholq’ij k’o chupam oxlak’al q’ij chi jari’ rutikirib’al jun k’ak’a’ k’aslem, jun k’ak’a’ raxlab’äl ri k’aslem.

Ri ajilab’äl juk’al – juwinäq, ja ri’ ruxe’el ri maya’ cholq’ij, ruxe’el richin rajlaxik ri q’ij chupam ri cholq’ij ri Ab’ jun cholq’ij chi k’o chupam, waqxaqlajuj ik’ juk’al q’ij chupam jujun ik’, chuqa wo’o’ q’ij richin ri jun ko’öl ik’ rub’i’ Wayeb’.

Toq nik’is el ri oxlajk’al q’ij ninimaq’ijux ri Waqxaqi’ Batz’, jari’ ri rutemeb’al ri cholq’ij, jun nimaq’ij richin ri maya’ tinamït, ri q’ij re’ nuq’ajuj retal ri ramaj k’aslem, nikusäx re jun q’ij re’ richin nikib’än tiko’n, richin nkikusaj ri kitz’ite’ chuqa richin nikitz’ät achike rub’anon ri kajulew.

Ri rusamaj ri cholq’ij chuqa ri Ajq’ija’ ja ri’ chi nikichajij ri taq q’ij richin nketamaj achike xtik’ulwachitäj.

 
Tikal, Guatemala Laslovarga68