1. ¿Janipe juna’ ab’anon pe re jun samaj re’? K’o chik juk’al lajuj juna’ ninb’än re jun samaj re’
2. ¿Achike rub’eyal xawetamaj ri yab’onin? Ruma toq k’a yinko’ol xisamäj rik’in jun achi, ri achi re nib’e pa Armita chi ri’ nuk’em pe jalajöj taq wuj po yin yennik’oj chi ri yentz’et k’iy achib’äl po jun q’ij xintz’et jun rochoch Ajaw k’o Armita po kan k’o wi ri rayb’äl pa nuk’u’x ruma ri xinloq’ jun perwuj richin ninb’än ri achib’äl ri utz xintz’et po ri q’ij ri xapon jun wach’alal rija kan nib’oninwi’ xinutz’et xub’íj chuwe tab’ana toq xtak’is nak’ut chi nuwäch ke ri xinb’än toq xink’is rija’ xb’erutzeta ri nusamaj po janila xuyik nuk’u’x richin yib’onin ruma xub’ij chi jeb’ël ri samaj xinb’än.ke ri xinb’än ch’aqa chik eqal eqal xinwetamaj.
3. ¿Achike xk’utun chawäch ri yab’onin? Nuyon xinwetaamaj ruma xeläx pa nuk’u’x.
4. ¿Rat nak’ut ri b’onïk chi ke ri awajk´wal? Wakami manäq ruma man nikirayij ta re jun samaj re po jun q’ij k’o jun chike xtaläx rik’in niretamaj nink’ut chi ruwäch rik’in kikotem.
5. ¿Achike ruma xeläx pa ak’u’x nab’än re jun samaj re’? Ruma chi ri ninjikib’a ri qab’anob’äl ri kina’oj ri qati’t qamama’ richin manniqamestaj.
6. ¿Achike k’o pa ak’u’x toq k’a ri nanojij jun k’ak’a b’oniwachb’äl? Rukoloxïk ri b’anob’äl ri kitzijon kan ri qati’t qamama’, ri na’oj kisipan kan chiqe’.
7. ¿K’o nuq’ajuj ronojel ri jalajöj taq b’onïk ye’asamajij?
Ja ruma chi ri k’o kina’oj ri qati’t qamama’ ri b’’eyomäl nusipaj ri qate’ ruwach’ulew chuqa’ ri achib’äl ri ek’o Pan Q’än ri Choy k’o Tz’oloj Ya’
8. ¿Toq ye’ak’ij ri ab’oniwachib’äl ri rajäl xa xe’ ri nakusaj pa awochoch? Manäq, ruma yin yib’onin ruma utz ninna’ man ruma ta pwäq k’o chik jalajöj nusamaj achi’el ri tikon chuqa’ ch’aqa chik samaj chi ri ninwil b’a nupwäq chuqa’ nuway.
9. ¿Tikirel K’o chi nak’ul tijonïk pa jun tijob’äl akuchi nik’ut samana’oj richin nawetamaj nab’än jalajöj taq samana’oj? Manäq, ruma taq jun winäq naläx pa ruk’u’x chuqa’ nurayij nub’än jun samana’oj nitel chiruwäch yerub’än jalajöj taq samaj man tikirel ta nib’e ta jun tijobäl, ruma yin man xink’ul ta tijonïk po yink’o pa kinik’ajal ri nim kiq’ij rik’in re samaj re’.
10. ¿Tikirel runa’oj jun winäq nusamajij jun samana’oj richin niya’ox rejqalem jun b’oniwachb’äl? Manäq, ruma jun winäq toq nib’onin nuya’ runa’oj chi ri nutz’ajb’a jun na’oj po jun chik winäq man junan ta ri runa’oj man junan ta ri k’ojlem nuya qonojel k’o qana’oj..