Wp/cak/Tz'olojya'

< Wp‎ | cakWp > cak > Tz'olojya'

Tz’olojya’ = Tz’oloj vocablo K’iche’ (sauco) ya’ vocablo Kaqchikel (agua).

Ri tinamït Tz’olojya’ (municipio de Sololá) ja la ruk’u’x ri tinamital Tz’olojya’ (departamento de Sololá), nalitäj pa rulewal Iximulew. Kajk’al kablajuj xo'a etok'al (kilómetros) rupam, ek’o kajlajuj ruq’a’ tinamït pa rulewal, ja re’ kib’i’: Chotaq’aj, Pujujil, K’ul b’ey (Los Encuentros) Pixa’abäj, Paraqänya’, Chaqi’jya’, Saqsiwan, San Jorge La Laguna, Chwaxik, Chwik’ël, San Juan Argueta, María Tekum, Chijay Tz’olojya’.

Ruk’ulb’atin ri’: pa releb’al q’ij rik’in K’axala’ (municipio de Concepción) chuqa’ Chuwila (Chichicastenango); ruqajb’äl q’ij rik’in Ch’aqaya’ (municipio de San José Chacayá) chuqa’ Nawalja’ (municipio de Nahualá); pa releb’al kaq’iq’ rik’in Chwi’meq’enya’ (Departamento de Totonicapan) chuqa’ Chuwila’; pa ruqajib’äl kaq’iq’ rik’in Pan Ajache’l, (municipio de Panajachel), Choy Atitlán, Santa Cruz La Laguna (municipio).

Tz’olojya’ nalitäj pa wuqk’al xo’a etok’al rik’in nima tinamït Armita, pa ruqajib’äl q’ij richin rulewal Iximulew, ruwinaqilal ja la ekaqchikela’, ek’iche’a chuqa’ ekaxlani’. Ri rumeq’enal ri rwach’ulew yalan tew; ruk’iyal winaqi’ ye ajtikon, yekitik jalajoj ruwäch taq ichaj, ixim, kinäq, kaxlan kinäq, arwenx, saqwäch, xnakät, ch’aqa’ chik. Ri runimaq’ij tinamït nb’an pa wo’lajuj q’ij richin ruwuq ik’ (15 de de agosto) ronojel juna’, ni nimaq’ijux ruq’ij ri nana María de la Asunción, rajawal ri tinamït.

Tz'ib'anel: Tat Anastacio Guarcax.