Wp/cak/Ri T’as

Ri T'as

Ri T'as e ja ronojel ri taq wachinäq ya'on chuqa' tz'ukun jun kib'i' rik'in jub'a' k'o kib'i' pa kiyonil chuqa' k'o kib'i' pa motzaj.

Ruq'ajarik

Ri t'as chuqa' nib'ix b'i'aj chi re, e ja ronojel ri taq tzij ye'okisäx richin yesik'ïx chuqa' yetzob'ajïx konojel ri taq wachinäq, winäq, chikopi', ruwäch che' .
Ruma ri' toq yojtikïr niqasik'ij ri tzij chiköp richin niqa pa qawi' konojel ruwäch chi chikopi' chi nïm chi ko'öl achi'el tz'i', kej, b'alam. Keqatz'eta' ka'oxi' chik taq tz'etb'äl:

Runuk'ulem ri t'as

Jun ruxe'el t'as ütz nuk'waj ruwäch tzij chuqa' rij tzij, chi ka'i' tanaj nikiq'alajisaj na'oj pa ruwi' kemchi'. Ri ruwäch tzij nb'e pa jun t'as ja ri b'anel molaj, ri nuq'alajisaj ichinanem, ruma ri' toq jun t'as junelïk ye'ichinäq xa jujun ok ri man ruk'amon ta ye'ichinäx.

kib'i' pa motzaj	kib'i' pa kiyonil
ajxik' chiköp	q'uq', xik, ixpumu'y...
aj ruwajay chiköp	äk', patix, qo'l, pi'y, me's...
ach'alal	te'ej, tata'aj, atitaj, mama'aj...
ruch'akul winäq	runaq' wachaj, q'ab'aj, pamaj, xikinaj...