Wp/cak/Ri Maya’ Kaqchikel Nimatijob’äl –MKN-

< Wp‎ | cakWp > cak > Ri Maya’ Kaqchikel Nimatijob’äl –MKN-

Ri Maya’Kaqchikel Nimatijob’äl –MKN- jun nimatijob’äl richin ri Kaqchikel amaq’, jun nimatijob’al kichin ri kaqchikela´ taq winaqi’, ri xalex richin nikitijoj ki’ ri xtani’, ri alab’oni’, ri ixoqi’ chuqa ri achia’ kan chupam kich’ab’äl, kan chupam ri kib’anob’äl, kan chupam ri kinojb’äl ri kiya’on kan ri qati’t qa mama’.

Ri Maya’ Kaqchikel Nimatijob’äl –MKN- xaläx ruma ri Chi Iximulew Amaq’ jantape’ ojrumestan ri öj mayab’ taq winaqi’, ruma jantape ojrumalin chuwäch ri qak’aslemal, ruma majun ojruya’on ta chupam ri runuk’ik ri tijonïk ri niya’ox pa konojel ri etamab’äl akuchi’ nikitijoj ki ri ak’wala’, ri xtani’, ri alab’oni’. Kan keri’ rik’in ri jalajoj kiwäch ri nimatijob’äl ri ek’o chuwäch ri Iximulew, ri majun nikiya’ta ri ruxe’el ri qetamab’äl, ri qanojb’äl, ri qach’ab’äl chupam ru nuk’ik ki tijonïk.

Logotipo oficial de la UMK, hecha con glifos mayas donde dice "Nimatijob'äl Maya Kaqchikel"

Ruma k’a ri’ jun molaj kaqchikela’ taq ixoqi’ chuqa’ achia’ xkimol ki’ richin xkichop rukemïk ri samaj richin rupab’axik ri Maya’ Kaqchikel Nimatijob’äl. Ri moloj rutemen ri nimatijob’al ja ri Kaqchikel Ajmaq’, jun moloj ri k’o ruxe’el chupam ri qatinamital Kaqchikel.

Ri Maya’ Kaqchikel Nimatijob’äl –MKN-, wakami, pa juna’ 2018 k’o waqi’ rochoch akuchi nutej ruq’ij rik’in ri tijonik pa qa b’anob’äl, chuqa chupam ri qach’ab’äl. Jare’ ri:

Chi Xot (Comalapa, ja re' ri nab'ey)

B’oko’  (Chimaltenango)

Pa Su’m (Patzún)

Xena Koj (Xenacoj)

Chwatutuy (Chuarrancho)

Chi Jay (San Juan Sacatepéquez)

Tzoloj Ya' (Sololá)

Ri k’amöl b’ey richin ri Maya’ Kaqchikel Nimatijob’äl –MKN- wakami, ja ri a Vitalino Similox, rija’ xpeyox richin nuk’uaj rub’eyal ri nimatijob’äl ruma ri retamab’äl chuqa ruma ri rusamaj rub’anon kik’in ri qatinamit.

Chupam ri ruk’amay’al kitz’ib’än jalajoj taq na’oj, wi najowäx netamäx. Jare’ri’: http://www.universidadmayakaqchikel.org