Wp/cak/Pa nima tz'aläm

< Wp‎ | cak
Wp > cak > Pa nima tz'aläm

Pa Nimatz'aläm jun ch'utinamit richin Tz'olojya' Pa Nimatzaläm nutikirb'ej rik'in jun pixab' ri nub'ij ke re'.

Tanimaj rutzij ri nimawinaqi' chwaq ri kab'ij nk'atzin na chawe'.

Ri ch'utitinamit k'o jalajöj na'oj pa rub'anob'al chi nrajo numestaj ruma k'a re nuya' pa rub'eyal na'ojib'äl chi ke ri ak'wala', ri alab'oni', ri ixoqi' richin jun uk'u'x k'aslemal richin ri chwaq ri kab'ij.

Nub'ij ri tata Domingo chi k'o chi nqaya' rejqalem ri tyoxnem chi re ri ruk'u'x kaj, ri ruk'u'x ulew chi re ri tz'aqol, b'itol chi re ri nan chi re ri tat ruma rije' kib'anon jun nimaläj k'aslem.

Wakami k'a chupam ri ch'utitinamit richin Pa Nimatz'aläm k'o jalajöj taq samaj nkib'än ri achi'a' chin k'a ri qach'aläl, ri ixoqi' nkib'än ri kem, ri po't, ri pas, ri su't richin k'a nikiya jun to'ik chi ke ri tata'aj.

K'o jun pixab', chi ri ixoqi' richin Pa Nimatz'aläm manaq nkimestaj ta ri to'ik chi re jun yawa' ixöq, jantape' ruk'u'x kanima nkiya' ri kiq'a' richin jun kik'aslem richin ri chwaq ri kab'ij.

K'o jun qarayb'al chi nqajo' ri öj winaqi' ri nqaya' rejqalem ri qach'abäl, ri qatzyaqb'äl chike ri ak'wala' richin k'a rije' nketamaj ri rejqalem ri b'anob'äl richin ri ch'utitinamit Pa Nimatz'aläm. Pa ruk'isb'äl, ninwajo' ninb'ij qa chi Pa Nimatz'aläm k'o jun nima' uk'u'x kikotemal ruma ka'i' molaj k'ojola' chi nkiya' rayb'äl ri b'anob'äl, ri tzyaqb'äl, ri xajonïk, ri b'ixanïk, ri nawal, rik'in ri tilinche', ri tum, ri kök, ri q'ojom.