Maya' taq samaj edit
Pa tinamït Tz'olojya' nikiya' rejqalem ri maya' taq samaj ri kik'utun kan ri qati't qamama', konojel ri taq k'exelom, chi toq jun ak'awal naläx ruk'amon pe jumul rusamaj ri xtuk'owisaj el chupam ruk'aslem.
Ri Ajyuqüy B'aq edit
Pa re tinamït re' e ko' cha oxi' winaqi' ri nikib'än utzil b'aqil, ka'i' achi'a', jun ixöq, rije' kib'anon pe utzil chi ke ri winaq'i ri kikajin kib'aqil.
Ri k'exelom edit
Re jun samaj re' xa xe ri ixoqi' nikib'än pa taq tinamït toq jun ixöq royob'en jun ak'wal, ri k'exelom janila retamab'al k'o ruma kan ja wi ri' ri rusamaj ya'on chi re, man xa b'a achike ta winäq tikirel nub'än re jun samaj re', ruma re samaj re' yalan ruk'ayewal, k'o chi pa rub'eyal yechajix ri ixoqi' ri koyob'en ak'wal.
Ri Ajb'anöy aq'om richin ruwa' winäq edit
Re jun samaj re' nkib'än ri ixoqi' ri ketaman achike aq'om nikokisaj chi ke ri ak'wala' toq k'o ruwa' winäq chi ke. Rije' nikiwokisaj xa xe ri aq'om q'ayïs. E k'o chuqa' nikokisaj ri kaxlan aq'om.
Ri Ajq'ij edit
Pa tinamït tz'olojya' e k'o rin nan, ri tat e ajq'ija', nikib'än ri xukulem rij'e tajin nikik'asb'a' kina'oj ri qati't qamama' richin jantape' yematyoxin rik'in ri Ajaw ruma ri Ruk'u'x Kaj Ruk'u'x Ulew ruya'on ri Kaslemal.
Ri Elesanel k'ixwi' edit
Man konojel ta ri winaqi' yekowin nikitz'ët toq jun winäq k'o k'ixwi' pa ri jolom. Re winaqi' re', kan k'o kitz'eteb'al richin nikïl ri k'ixwi'. Nikib'ij chi ri k'ixwi' achi'el ta taq k'ixeq'anq'öj, achi'el ruki'xal ri noxti'.