#Xik'a'etz'anem edit
Nib’an retal jun xik’a’etz’anem pan ulew rik’in chunab’äj. Nitorïx jun ab’äj/k’olaj akuchi’ k’o ri nab’ey kajtz’ïk. Ri etz’anel niropin pa ruwi’ xa jun raqän pa taq kajtz’ïk, xa xe akuchi’ k’o ri k’olaj manäq. Akuchi’ k’o ka’i’ kajtz’ïk tikirel nuto’ ri’ rik’in ka’i’ raqän, pa ruk’isib’äl kajtz’ïk k’o chi nuya’ jun surinïk richin nitzolin. Pa tzolinem k’o chi nusïk’ ri k’olaj. Ke ri’ k’a xtutz’aqatirisaj ronojel ri taq k’ajtz’ïk. We xtupalib’ej ri taq rujuch’ ri xik’a’etz’anem nel kan pa ri etz’anem.
#K'olotich' edit
Nab’än jun ruwachib’al oxtz’ik chuwäch ruwach’ulew, k’a ri’ nab’än jun choj juch’, ri etz’anela’ nikiya’ kan kik’olotich’ chupam ri oxtz’ik. Ri etz’anela’ nikitorij ri k’olotich’, nkiq’ijuj ri choj juch’, ri xtapon naqaj ja ri’ nab’ey xtitzaqon ri k’olotich’, yeruq’ijuj ri k’olotich’ e k’o chupam ri oxtz’ik ka ri’ chi kijujunal nkiq’ijuj ri oxtz’ik, yekelesaj chupam ri oxtz’ik ka ri’ nkichinaj ri k’olotich’ ri e k’o naqaj chi re ri oxtz’ik, tikirel yeq’ijuj el richin yeb’e näj, tikirel chuqa’ nawokisaj setepwäq.
#Ropin Kolo' edit
Nik’atzin jun kolo’, jun molaj ak’wala’, e ka’i’ ak’wala’ ri nikichäp rutza’m ri kolo’ chuqa’ nikisiloj ri kolo’ richin yeropin pa ruwi’ ri kolo’, ri ak’wala’ nikib’än jun molaj, ye’ok, ye’el el, chuqa’ yeropin konojel pa jujun, pa kaka’ pa ruwi’ ri kolo’. Toq yeropin ri ak’wala’ ri kachib’il yeb’ixan, nikib’ojb’a’ kiq’a,’ janila k’atzinel jalajöj taq ruwäch etz’anem nikib’än ri ak’wala’. Toq yeropin man nikinakij ta ri kolo’, we xtikinakij ri kolo’ yekanäj kan. Ri etz’anem janila ütz richin ri ch’akulaj, nuya’ kikotem, chuqa’ ch’uch’uj k’aslemal.
.jpg)