Ri Kem
Ri kem jun samaj janila rub’eyal, jun nim na’oj niqil chupam ri loq’olej kem, toq niqetamaj yoj kemon, niqetamaj yoj b’atzin ri b’etz keri’ chuqa ri qak’aslem, kerri’ nik’ib’ir ri qati’t qamama’, jeb’el ri kem, ruk’uan jun nïm samaj, k’o re janila ütz nikina’ ri yekemon, jeb’el ki b’onil rinikiya’qa, jalajo ru etzab’äl nikiyaqa, k’o re’ chikopi’, kotz’ij, kumatz’in, rupan leq, xtaq ch’umilal, achikena nikirayij.
Taq nawetamaj ru q’ajarik ri na’oj ri kem, janila jun etamab’el natz’et ri xkiyaqan ri qati’t qamama’, natz’et ütz, ütz ri ru q’ajarik, ronojel runa’oj ri kaj, ri qate’ ruwech ulew, ri kaq’iq’, ri jöb’, ri qaxe’el, ri qak’aslem, jalajöj rub’eyal ri k’aslmen k’o chwech ri kem, toq nawetamaj nawelesaj jun ch’obonem chirij, nanuk’ ru b’eyal ri k’aslem.
Wakami k’ayiw ruma majun chik yojtikir yoj kemon, man qetamanta ri yos b’atz’in, ja ri k’ak’a taq na’oj xuyoj ri qana’oj, eqal, eqal xqayakan ri kina’oj ri qati’t qamama’ chuqa ri tz’yaqb’äl ri peteneq juk’an chik ya’ jari nikikusaj ri xtani’ tzyeq ri majun junta ru k’amompe utzilej taq na’oj, yon ri majun utzta’ chuqa ruma man k’iyta rajil.
Niqa poqonaj ri k’ayewal re’ ruma chiqawech majun niqatotaqi’ ri qato’nïk niqaya’ ri aj winaq kaxlan, ruma kan manjotol ri kitziaqb’äl ri nikik’ayij, junchwi riki na’oj, k’o re ri kina’oj man utzta, yetoqa paqatinamït chin nikeleq’aj ri na’oj, ruma ri’ ri wakami’ niqatz’et ru k’ayixik ri qatzyaqb’äl yon retz’ab’äl riniqaya’ paqa po’ot kiwelesan pa t’isb’äl tzyäq.
Janilak’a ru q’ij ri roj niqetamaj yoj kemon, ke ri’ niqato’qi, k’o ri samaj chiqawech, chuqa nuya qana’oj k’ak’a.