Pa Iximulew, chupam ri juna' 1976, xb'anatäj jun nïm kab'raqän pa rukaj q'ij richin ri ruka'n ik', janila' k'ayewal, xkik'owisaj ri winaqi', ruma', k'ïy taq jay xetzaq el chikij, ri kab'raqän ri' janila' xk'oje' ruchuq'a' ruma' ri' ri nima'q taq jay, chuqa samajay e k'o Armita xetzaq el.
Chupam ri tinamït chi Xot, k'ïy taq winaqi', e nimawinäq, xekem chuxe' ri kachoch ruma, k'ïy taq jay ojer kan eb'anön rik'in ulew.
Jun sik'iwuj richin jun tz'ib'anel kaqchikel rub'i' Alberto Esquit, nub'ij chi, chupam ri kab'raqän xb'anatäj, ri juna' ri' kik'in ri nimawinaqi' chuqa xkem jun nïm rutemeb'al ri kaqchikel ch'ab'äl, ruma kik'in rije' k'olon wi kik'in rije'. po man xa xe' ta pa chi Xot xb'anatäj ri', ruma ri kab'raqän chuqa k'ïy taq winaqi' k'o chi xkikanöj to'ïk richin nkil ri kachoch, ri kulew.
Re kab'raqän re' xb'anatäj pa aq'a' ruma ri' chuqa e k'ïy winaqi' xekem , ruma man xkina' ta, e k'o winaqi' chi nkib'ij chi ri taq tz'i' k'ïy xeb'a'on chuqa ri utiwa' xewuyin, richin xkiya' ri retal ri nimaläj k'ayewal, xb'anatäj, jun nïm etamab'äl, chi k'o chi nqetamaj ja ri' chi k'o chi nqaya' rejqalem ri ronojel retal kitzij ri chikopi'.