Wp/cak/KAQ’IQ', JÄB', RAQÄNYA", PALOW

KAQ’IQ', JÄB', RAQÄNYA", PALOW

Mi’l chuqa ri Kan yetzijon ruk'in ri jun Nana,

¿Nana achike rub'anikil ri ruwach'ulew Ojer kan?

Wakami janila rujalom ri’ ri ruwach'ulew.

Ojer kan re' jujujun, pa nik'aj ri juyu' nq'ax jun raqän ya',

chupam ri raq’än ya yojatin qonojel i ak'wala’.

Chuqa' pa ya' k'ïy ruwäch chikopi' ek'o, ri taq

kär, täp, ixmutuq', chuqa xpeq.

Titzeta' wakami, xk'is ri ya', manäq chïk taq kär,

xekäm ri taq chikopi’, ruma xok ronojel tzīl chupam

ri raqänya’.

Ronojel ri winaqi' ri chikopi', ri che', ri ya' k'o

kejqalem chupam ri kaj ulew.

¿AKUCHI’ NPE WI RI YA'?

Kojtzijon ruk'in ri Ma',

Ri Ma' jari’ jun nima tetata’ chupam ri qatinamït

Naturaleza

Ri Ma' nub'ij chi qe:

Ri ya’ xaläx toq Xaläx ri ruwach'ulew.

lago con árboles

Ri ya kan janila K’atzinel, wi manäq ya' npe qakamik.

Ri ya' toq man tz'il ta chay ruwäch, chuqa’

manäq ruki’il, xa xe kan Simil nqana' toq chaq'jj qachi'.

Ri ya' nb'e, npe

Ri ya' k'o chuwach'ulew

njote' chi kaj, achi'el sub’

nub'än, k'a ri njote' chi kaj

nok sutz', k'a ri nqaqa chïk pe ri jäb’.

Ri ya.

Ronojel winaqi', che',

Chikopi’, ri kotz'ij man

yek'ase’ ta wi manäq ya’

ruma ri ya’ oj k'äs, k'o chi

nqaya' ruq’ij.

QAYA' RUQ'IJ RI YA'

Ri ya' nuya' qak'aslem, ütz rokisaxik qab'ana' chi re',

Wi ütz rokisaxik nqab'än chi re, ri ya' chuqa' jeb'el nuna',

nkikot nuya' qak'aslem.

Sonia Cristina Chuy Chalí