Bileez soashal schroksha maak bai difrans weh stay oava di yaaz eena how moni, powa, ahn presteej dischribyoot. Sayka di smaal saiz a di Bileez papulayshan ahn di kloasnis a how pipl eena sosaiyiti rilayt tu eech ada, di soashal distans bitween rich ahn poa noh soh big laik eena ada Kyaribeeyan ahn Senchral Amerikan plays, laik Jumayka er El Salvador, bot dat da noh fi seh di difrans noh impoatant. Bot Bileez noh ga di klaas ahn rayshal vailens weh yu ku si klyaa klyaa eena di soashal laif a ih Senchral Amerikan nayba dehn.