Bileez ga wahn chrapikal klaimit wid klyaa klyaa wet an jrai seezn, bot wid difrant weda patan weh stan owt eena difrant reejan. Tempricha chaynj akaadn tu how hai er loa di ayrya, how kloas er far fahn di koas ih deh, ahn how di naatees chrayd win aafa di Kyaribeeyan afek di ayrya. Avrij tempricha eena di koas reejan dehn ron fahn 24 °S (75 °F) eena Janiweri tu 27 °S (81 °F) eena Joolai. Di tempricha lee bit haiya inlan, eksep fi di hai platoa dehn eena di sowt, laik di Mongtin Pain Rij, weh yu ku feel how ih koola aal yaa. Aal in aal, da di difrans eena hyoomiditi ahn raynfaal weh maak di seezn dehn moa dan tempricha.
Sins Bileez diklyaa indipendans eena 1981, ih put intu plays lat a laa fi protek di invairament. Dehnya laa da fi prisaav di konchri nachral ahn kolcharal heritij, ahn pahn tap, di welt a di nachral risoas dehn. Da soh mek wahn nomba a difrant kain a ayrya anda protekshan kohn bowt. Eech kyatigori ga ih oan set a roolz fi poblik akses, tek owt risoas, lan yoos, ahn oanaship.