Wp/bzj/Floara a Bileez

< Wp‎ | bzj
Wp > bzj > Floara a Bileez

Bays pahn Bileez saiz ahn kompyaa tu di res a di reejan, Bileez ga lata difrant floara. Bileez deh pahn di Kyaribeeyan koas, eena di naat a Senchral Amerika, ahn di floara an vejitayshan kanek op wid Bileez hischri. Di nayshan ihself groa op owta di timba di British mi tek owt fahn di 17t senchri aan. Fos da-mi lagwud (Haematoxylum campechianum ) ahn layta da-mi mahagni (Swietenia macrophylla), wich peepl laik kaal “red goal” sayka ih hai prais ahn sayka how di Yooropeeyan hai sosaiyiti peepl mi krayv it. Moas peepl tink seh dat di plaant dehn weh Senchral Amerika faymos fa kohn fahn joorin di “Grayt Amerikan Kanekshan.” Jooring datideh taim, bush plaant fahn Sowt Amerika maigrayt naat afta di Panama ismos lan ayrya mi kloaz. Oanli lee bit a tingz fahn di Amazon kohn far op naat into Bileez, ahn wen ih kohn tu how di speeshiz mek op eena Bileez, da di bush a Peten (Gwatemaala) ahn di Yookatan (Meksiko) weh Bileez moas fayva.