Cakap Karo, em kapken cakap si ipake kalak Karo. Karo, em kap sada suku asli sini ngiani Provinsi Sumatera Utara. Daerah entahpe kuta sini i iani kalak Karo megati i geleri salu gelar Taneh Karo Simalem, sini meliputi Kabupaten Karo, Kabupaten Deli Serdang, Kabupaten Langkat, Kota Medan, Kota Binjai, sebagin wilayah i Kabupaten Serdang Bedagai, Kabupaten Simalungun, Kabupaten Dairi, bagepe Kabupaten Aceh tenggara. Arah piga-piga si tersurat, maka banci ka nge si simpulken kerna cakap Karo enda em cakap resmi sini i pake salah sada negeri entahpe kerajan tua i Sumatera, em kapken Kerajaan Aru, sebab kalak Karo kap sini ngiani kerajaan sini raja pertamana sini i gelari Pa Lagan e.