Wp/bto/Indira Bajramović

Si Indira Bajramović usad na aktibistang Roma na nakaistar sa Bosnia ag Herzegovina ag direktor man ka Association of Roma Women from Tuzla. Nagtrabaho siya tangani na magbulig sa mga rural na parte ka Roma, anggan siya nagin tagabusol man ka pantay na oportunidad para sa mga taga-Roma sa Bosnia ag Herzegovina, sa nakaaging darwang taon. Siya nagtutok sa pagtao sa atensyon sa mga udang trabaho na mga kababaihan sa Roma ag adtong mga biktima sa biyolensya ag pan-aabuso.

Aktibismo

A asosasyon ni Bajramović tinututukan a pagpanao sa mga pagkakan ag panlinig sa awak, pati man mga gamit sa eskwela para sa mga saday na igin sa komunidad ka Roma. Rugang pa kadi, nagtatao man sira sa mga pribadong medikal na eksaminasyon para sa mga maluluya a salud na mga babayi, partikular a pagsusog kin agko adi sa kanser sa mimi.

Kadi pagbungkaras ka COVID-19 ku tag-init ka 2020, si Bajramović ag kanyang grupo nakaiba sa Bosnia ag Herzegovina Women's Roma Network, a Tuzla Community Foundation, anggan a International Solidarity Forum Emmaus tangani na magpanao sa tabang ag mga pagkakaon sa mga lokal na komunidad sa Roma sa palibot ka Kiseljak. Nagbulig man iya sa pagkoordinar ka distribusyon ka mga ginatos na pagkaon kada aldow sa mga boluntaryo, siring man pirang proyektong konstruksyon kaiba a Football pitch ag paghaman man liwat ku naraot na kanal.

Rugang pa sa pagtao sa ayuda sa mga komunidad ka Roma kading panahon ka pandemya, pigdokumento man niya a mga dis-bentahe sa mga rural na lugar na lalo pa lugod naparaot ka pandemya. Pigpunto niya man a ababa na proporsyon ka mga estudyante sa komunidad ka Roma na nagpapartisipar sa klase online, nagpaparataas na kaso ka domestikong biyolensya, ag diskriminasyon sa pangangataman salud. Pinagtawan man niya sa atensyon a "testing availability" sa mga rural na komunidad.