Wp/bto/Amina Bouayach

Si Amina Bouayach (ipinangigin ku 10 Disyembre 1957) usad na taga-Moroccong human rights activist. Poon ku Disyembre 2018, si Bouayach nagserbe bilang presidente ka Moroccan National Human Rights Council. Sa katungdan na niya, sinabi niya ku 2019 na uda sa "political prisoners in Morocco."

Amina Bouayach

Nabantog siya ku 2006, nagi siyang pinakaunang babayi na naelihir bilang presidente ka sarong dakulong NGO sa Morocco.

Bilang presidente ka Moroccan Organization for Human Rights, si Bouayach nagtrabaho sa isyu ka mga mayor na deretsos ka mga tawo sa kanyang sadiring banwaan partikular sa pangungulog, deretsos ka mga refugees ag migrante, deretsos kan mga babayi, deretsos ka mga indibidwal dangan a abolisyon ka padusang kagadanan.

Agi-agi

Ipinangigin si Bouayach sa Tetouan ku 10 Disyembre 1957 sa bantog na pamilyang Riffian, pinagalin sira sa Rif sa paagi nin okupasyon. A kandang ama, si Hammadi Bouayach, usad na abogado, aktibista politikal, para-isip ag propesor sa Law sa University of Rabat, kin sari nagi man iyang dekano. Kaiba siya sa pira sanang mga indibidwal an agko misyon na mag-adal sa luwas sa Cairo anggan Paris ki Mekki Nassiri. A kanyang lolohun pigkonsiderar bilang katiwala ni Abdelkrim el-Khattabi's ag pinakamarhay na heneral sa Rif War.

Mga pagmidbid

• Si Amina Bouayach a primerong babayi na naelihir bilang pamayo ka human rights NGO sa Morocco.

• Naelihir man siya bilang bise-presidente ag sekretarya-heneral kan International Federation for Human Rights [archive] ka 2010 ag 2013.

• Ku 2011 ag 2013, si King Mohammed VI piggawadan siya nin distinksyon sa Commander of the Order of the Throne ag Officer of the Order of the Throne.

• Kan 2014, si Amina Bouayach nakaresibe nin insignia ka Knight of the National Order of the Legion of Honor ka French Republic sa pagmidbid sa kanyang trabaho na pabor sa proteksyon ag pagmidbid sa deretsos humano.

Kritisismo

A CNDH anggan a presidente kading si Amina Bouayach nakaresibe sa magabat na kritisismo kan 2019 puon sa kanyang sinabi na "Hirak Rif prisoners were not political detainees", ag "there are no political prisoners in Morocco", kindi “prisoners who have been arrested for their participation in demonstrations or violence produced during demonstrations."

Makalihis kadi, a 400-pahina na sumaryo na hinaman ka CNDH ag pig-presenta ni Bouayach, a konklusyon mina-uyon sa mga kaso kontra sa mga prominenteng lideres ka pagprotesta na si Nasser Zefzafi (pig-sentensyahan sa hasta sa 20 taon na pagkakulong), na pinagtuyaw man sa pirang Moroccan rights groups ag mga aktibista.

Panluwas na takod

• Amina Bouayach, OpenDemocracy.net
• Uniting activists’ forces is Amina Bouayach’s obsession
• Human Rights Activist Amina Bouayach at the Helm of CNDH, Chaouki Benayoub, Interministerial Delegate for Human Rights
• King Mohammed VI appoints Amina Bouayach chairwoman of CNDH
• HM KING MOHAMMED VI APPOINTS MS AMINA BOUAYACH NEW PRESIDENT OF THE NATIONAL HUMAN RIGHTS COUNCIL
• King Of Sweden Receives Amina Bouayach At End Of Her Mission As Moroccan Ambasador In Stockholm