Wolfgang Amadeus Mozart (saro Jerman: [ˈvɔlfɡaŋ amaˈdeus ˈmoːtsaʁt]) na margorarar asli Johannes Chrysostomus Wolfgangus Gottlieb Mozart (sorang i Salzburg, 27 Januari 1756 – maninggal i Wina, Austria, 5 Desember 1791 i umur 35 taon) ima sada komponis. [1][2] Ia ianggap manjadi salah sada tingon komponis musik klasik Eropa na tarponting dot paling tarmashur i sejarah. Karya-karyania (sakitar 700 lagu) tarmasuk gubahan-gubahan na sacara luas iakui manjadi aginjangan karya musik simfoni, musik kamar, musik piano, musik opera, dot musik paduan suara. Conto karyania ima opera Don Giovanni dot Die Zauberflöte. Bahat sian karya Mozart ianggap manjadi repertoar standar konser klasik dot iakui manjadi mahakarya musik zaman klasik. Karya-karyania isusun i katalog Köchel-Verzeichnis.
Maso parjolo (1756-1772) edit
Mozart, na targorar puna sinaloan tala mutlak (mananda nada dohot pas bope inda pake bantuan alat), manandai musik sian sorang. Ayahnia, Johann Georg Leopold Mozart ima komponis ponting i jamanna, salah sada karyana na paling ponting ima Kindersinfonie ("Simfoni dagdanak"). Wolfgang anak simanonga tingon pitu marsaudaro adong maninggal urang bulan.[3] Umna ia dot Maria Anna Mozart ("Nannerl") na mangolu sampe matobang. Sawoktu marumur opat taon, Mozart madung malo mamainkon harpsichord dot mambaen improvisasi i karya-karya musik naparjoloan. ia pe manulis komposisinia na parjolo saat marumur lima taon. Karya-karyania antara lain ima Violin Sonata, dot Minuet. Leopold pagortop sude komposisi on inda sapambinotoan ni anaknia. Soni juo si Nannerl, ia juo ima pamain piano nalobi malo. Leopold na mangida bakat dua anaknia marasa “tarpanggil” tu mamamerkon alai tu sude Eropa.