Tari Tor-Tor on ma sada kesenian sian Mandailing Natal ijia ma uning-uningan on I bege totop don les adong acara manortorna, ima na jolo manortor on ibaen pas acara margondang sambilan. Tai nung sannari acara manortor on mandung bisa I ligi ima I acara-acara na biaso, nung do sannari manortor on mandung markembang na daoan ima I Gerakan nai bagen mandung I modifikasi sangan I ubah alai bagen ima so bisa manortor on I baen naga I acara nanga aha pe.[1]
Pula I ligi tu aslina tor-tor on ima palengkap ni gordang (uning-uningan) ima na mangiun sian filosafat na adat ni sendiri, tor-tor na I baen on adong don ciri-ciri na khas na, maksudna, sifatna, dohot tujuan na. Tor-tor na mangiuti irama musik on gondang I maen kon ima on dua sisi alak na manortor ima na manortor dohot na mangayopi, na manortor ima I jolo do posisi nia, baru na mangayapi ima jonjong I belakang nai jumlah ni halak na I jolo pe ima muloi on 2, 3, dohot 4. Na mangayapi pe nangkon sama sanga lobi jumlahna sian na manortor. Na manortor ima mora, baru na pangayapi na mora, ima anak boru na I belakang ni mora.
Sasuai dohot kadudukan nai i upacara adat ni margondang tor-tor on bisa i bedaan sasuai dohot kelompok na manortor on
- Tor-tor suhut, kahanggi suhut, mora, dohot anakboru.
- Tor-tor raja raja
- Tor-tor raja panusunan
- Tor-tor naposo bulung
Tatacara palaksaan ni Tor-tor
I acara horja marbagas menikah adat ni halak isi i baen acara gordang isi pe adong mei acara manortor, sadari sabelum acara mata ni horja gordang on mandung mei imaen kon. Mamaenkon gordang adong dei sarat na i ima na idokon panaek gondang ima na idokon I muloi saat on i maenkon gondang sambilan on dohot gondang tunggu-tunggu dua, nungdo i maenkon gondang on gelanggang panortoran pe muloi mai i buka. Biasona gelanggang panortoran on i buka muloi on potang-potang sampe tu toga borgin sasuai dohot situasi dohot kondisi, i potang ni ari i gelanggang panortoran i buka suhut mei (suhut ma na parjolo manortor) baru kahanggi ni suhut dohot anakboru. Pula na mambaen acara horja on inda raja panusunan sangape raja pamusuk, jadi gelanggang nangkon na parjolo ibuka raja panusunanatau raja pamusuk. I borgin ni ari nai ipatorus dohot tor-tor ni naposo nauli bulung na manortor ima bujung-bujing pangayopi poso-poso na manortor nangkon na marlainan marga dohot na mangayopi, I tortor naposo dohot bujing-bujing on na I baen naparjolo ima mangundang dohot mangido izin tu amang inang nai pula mandung i izinkon jadi satorusna i atur ma pangalapan dohot pataruon pula mandung siap manortor.[2]
Sumberna edit
- ↑ https://www.mandailingonline.com/tor-tor-mandailing/#:~:text=Sebagai%20salah%20satu%20seni%20tari,)%20maupun%20siluluton%20(musibah).
- ↑ Pandapotan, Nasution, 2016, Perlengkapan yang Dibutuhkan Pada Acara Adat Mandailing, CV. Pencerahan Mandailing