Hangeul (한글; ibaca [ˈhɑːŋɡʊl] (
tangion)), sanga Joseon-geul/Chosǒn'gŭl (i Korea Utara) ima alfabet na ipake tu manulis Saro Korea.[1] Hangeul ibaen ni Raja Sejong na godang (1397-1450) i taon 1443 maso Dinasti Joseon. Bope tulisan Hangeul nida songon tulisan ideografik (tulisan i bontuk 'simbol' songon aksara Tionghoa), Hangeul sapetona ima abjad fonetik sanga alfabet, arani satiop hurufna manjadi lambang vokal dot konsonan na marbeda. Alfabet Hangeul tardiri tingon 24 huruf (jamo)— 14 huruf mate (konsonan) dot 10 huruf ngolu (vokal). Sapetona Hangeul adongdope 3 konsonannai dot 1 huruf vokal, tai iagoon. Salain tu manuliskon saro Korea, Hangeul juo ipake tu saro alak Cia-Cia, i Sulawesi Tenggara, Indonesia. Satiop tanggal 9 Oktober i Korea Selatan iparingoti manjadi Ari Hangeul.
