Abjad Arab (الأَبْجَدِيَّة العَرَبِيَّة al-abjadīyah al-ʻarabīyah sanga الحُرُوف العَرَبِيَّة al-ḥurūf al-ʻarabīyah) sanga huruf hijaiah ima aksara saro Arab na madung ikodifikasi tu panulisan saro Arab. Abjad Arab itulis tingon siamun tu siambirang margaya kursif dot tardiri tingon 28 huruf.
Asalna, abjad on ima abjad murni, ima umna tardiri tingon konsonan, tai saonnari indabe. Sarupo halna dohot sistem panulisan abjad na lain, songon abjad Ibrani, para panulis dungni marancang indikator sora vokal mamake tanda vokal marsarak.
Abjad Arab marasal tingon Aksara Aramea (tingon saro Syria dot Nabatea), i dia abjad Aram nida kamiripanna dohot abjad Koptik dot Yunani. Nida parbedaan panulisan antara Magribi dot Timur Tonga. I antarana ima panulisan huruf qaf dot fa. I luak Arab Maghrib, huruf qāf ituliskon dohot puna titik i toru dot fā' dohot sada titik i iginjangna.
| غ | ظ | ض | ذ | خ | ث | ت | ش | ر | ق | ص | ف | ع | س | ن | م | ل | ك | ي | ط | ح | ز | و | ه | د | ج | ب | ا |
| gh | ẓ | ḍ | dh | kh | th | t | sh | r | q | ṣ | f | ‘ | s | n | m | l | k | y | ṭ | ḥ | z | w | h | d | j | b | ā |
| 28 | 27 | 26 | 25 | 24 | 23 | 22 | 21 | 20 | 19 | 18 | 17 | 16 | 15 | 14 | 13 | 12 | 11 | 10 | 09 | 08 | 07 | 06 | 05 | 04 | 03 | 02 | 01 |
Abjad arab on ma na manjadi panulisan i Arab dohot sakitarna