Materialisme ima paham i filsafat na mandokon molo hal na bisa idokon botul-botul adong ima materi.[1] I dasorna sude hal tingon ni materi dot sude fenomena ima hasil interaksi material.[1] Materi ima sada-sadana substansi.[1] manjadi teori, materialisme tarmasuk paham ontologi monistik.[1] Tai, materialisme marbeda dohot teori ontologis na idasorkon tu dualisme sanga pluralisme.[1] I namangalehen panjelasan tunggal tontang realitas, materialisme marsiborangan dohot idealisme.[2]
Materialisme inda mangakui entitas-entitas nonmaterial songon roh, jadi- jadian, setan dot malaikat.[2] Palaku-palaku immaterial inda adong.[2] Inda adong Tuhan sanga dunia adikodrati.[2] Realitas sada-sadana ima materi dot sanga aha namanjadi manifestasi tingon aktivitas materi.[2] Materi dot aktivitasna marsifat abadi.[2] Inda ad9ng panggorak parjolo sanga sobob parjolo.[2] Inda adong hangoluan, inda adong pikiran na kekal.[2] Sude gejala maruba, ujungna mangalobii eksistensi, na mulak-mulak tu dasor material primordial, abadi, i sada paralihan wujud na abadi tingon materi.[2]