Wp/btm/Mark Twain

Samuel Langhorne Clemens (sorang 30 November 1835 – maninggal 21 April 1910 i umur 74 tahun), gorar pena-nia Mark Twain, ima sada novelis, panulis, dot pangajar markebangsoan Amerika Serikat. Sadebana karyania na paling tarmashur ima The Adventures of Huckleberry Finn, The Adventures of Tom Sawyer, The Prince and the Pauper, A Connecticut Yankee in King Arthur's Court dot sada buku non fiksinia, Life on the Mississippi.

Mark Twain sorang i taon 1835. Ia magodang i Hannibal, Missouri, sada kota namenek itopi batangaek Mississippi i Amerika Serikat. Atia poso najopan riania mangida kapal-kapal uap na pual-pail i i batangaek Amerika Serikat nagodang i.

Atia poso dope, Twain madung karejo manjadi juru cetak i sada percetakan, dot monombo manjadi penulis surat kabar. Manjadi poso-poso marumur bolasan taon, ia manjadi nakhoda kapal batangaek dot saonok opat taon marlayar i batangaek Mississippi.

I woktu Porang Sudaro Amerika i taon 1860, Mark pindah tu luak barat ima i California. Atia ima ia manguba gorar nia manjadi "Mark Twain" na mararti "dua depa bagasna". I ima istilah na ipakai ni awak kapal batangaek muda alai mangukur bagas ni aek.

Novel-novel Mark Twain na paling tarmashur ima The Adventures of Tom Sawyer, dot The Adventures of Huckleberry Finn.

Duana buku on masing-masing mancaritoon daganak marumur bolasan taon na atia ribur. Pangalaman-pangalaman ni alai na sehu i manggambarkon hangoluan i tonga abad pasambilanbolas, dot mancaritoon tontang partontangan-partontangan na masa antara poso-poso dot natobang. Songon ampir ngon panulisan Twain, buku-buku on bahat lawakna juo. Murmartamba umur, panulisannia murmaserius. Mark Twain maninggal i taon 1910.

Pituah ni Mark Twain:

Hadengganan ima hal na bisa i bege alak na ingol dot bisa tarida alak naso marmata.

Wp/btm/Mark Twain

Tautan Luar edit