Madrasah Nizhamiyah (Arab: المدرسة النظامية, al-madrasah al-nizhamiyah) ima sada sikola ginjang i Baghdad jaman najolo, na ipajongjong ni Wazir Nizham al-Mulk[1][2] i maso pamarentahan Khalifah Abu Ja'far Abdullah al-Qa'im bi-Amrillah.[3] Sikola ginjang on nalobi mashur, ingananna i luak Al-Rusafa i kota Baghdad, ima i pamispisan bariba timur aek Tigris.[2] Muloi ipajongjong i bulan Dzulhijjah taon 457 H/1065 M, sikola o muloi idalankon i 10 Dzulqaidah taon 459 H,[1] dot gananon ipature mulak dot ipajeges i taon 504 H/1110 M.[2] I sikola on iparsiajari bahat elmu parbinotoan, dot rap-rap Madrasah Mustansiriyah ianggap manjadi lembaga sikola na paling targorar i maso pamarentahan Abbasiyah.
Sumberna edit
- ↑ 1.0 1.1 Hamid Naseem Rafiabadi (2002). Emerging from Darkness: Ghazzali's Impact on the Western Philosophers. Sarup & Sons. p. 38. ISBN 978-81-7625-310-9, 8176253103.
- ↑ 2.0 2.1 2.2 Guy Le Strange (2011). Baghdad: During the Abbasid Caliphate. Cosimo, Inc. p. 298. ISBN 978-1-61640-532-8, 1616405325.
- ↑ Rafiabadi (2002), hlm. 35.