Lubang nalomlom ima bagian tingon ruang woktu na manjadi gravitasi paling gogo, bahkan cahayo inda bisa kabur. Teori Relativitas Umum mamprediksi molo porlu massa godang tu mambaen sada Lubang Nalomlom na adong i Ruang Woktu. i sakitar Lubang Nalomlom adong parmukoan na i dokon Horizon peristiwa. Objek on idokon "lomlom" arani manyerap sangaahape na adong isakitarnia dot inda bisa mulak be, sampe cahayo. Sacara teoretis, lubang nalomlom bisa puna ukuran sanga ahape, tingon mikroskopik sampe tu ukuran alam raya na bisa iamati. Teori Medan Quantum i Ruang-woktu nabengkok mamprediksi molo Event Horizon mamancarkon radiasi isakitarnia dohot suhu na tarbatas. Suhu on marbanding tarbalik dohot massa Lubang nalomlom, mambaen payah iamati Lubang nalomlom marmassa bintang sanga lobi.