Lao Tzu (Tionghoa: 老子, pinyin: Lǎo Zǐ) ima ahli filsafat na tarbonggal dot juo ima napajongjong Taoisme (Tionghua: 道教 sanga 道家) saonnari. Satontang hangoluan nia inda bahat natarsurat, tai kawujudtannia tarbukti i suratan ni Tiongkok, Shiji.
| Laozi 老子 | |
|---|---|
| Sorang | Dinasti Zhou |
| Maninggal | Dinasti Zhou |
| Maso | kuno filsafat |
| Aliran | Taoisme |
| Gagasan ponting | Wu wei |
Manurut kitab Shiji[1], Lǎo Zǐ puna gorar asli Lier (李耳; pinyin: LĭĚr), gorar pamioan Boyang (伯阳) dot gorar mandiang kahormatannia Dan (聃). Adong sagolongan sarjana mandokon Boyang dot Dan ima gorar partuturannia[2]. Lǎo Zǐ (570-470 SM)[3], sorang i Provinsi Ku(苦县), Chuguo (楚国), saonnari idokon Provinsi Henan. Ia ima katua pustakawan Chuguo i jaman dinasti Zhou, i dia atia maso jabatannia, ia bahat mandapot labo dohot mambaca kitab-kitab dot catatan-catatan historis, mambaen ia manjadi alak na bolak parbinotoanna.
Kamashuran Lǎo Zǐ balak tarbonggal mambaen tu Kong Hu Cu. Manurut catatan Zhuangzi, Kong Hu Cu unjung marsuo dohot Laozi get mangido kaji satontang tutur poda[1]. Adong gambaran-gambaran mardasorkon kisah on. Mardasorkon catatan in, iparkiraon molo Kong Hu Cu marumur lobi poso urang lobi 20 taon tingon Lǎo Zǐ[4]. Menurut rujukan Zhuangzi[4], Kong Hu Cu parjolo sanoli marsuo dohot Lǎo Zǐ i umur 17 dot dungni i umur 34, dot parsuoan patolu kalina i Xiangyi (相邑) dot samaso marumur 51 dot 66.
I woktu maruntus Dinasti Zhou, Lǎo Zǐ patibal jabatan dot maninggalkon negerinia dohot koakna. Atia ia tolap i Kastam Hangu (函谷关), Guan Yixi (关尹喜) mangido ia anso maninggalkon filsafat namarbontuk tulisan. Iginjang ni pangidoan, ia mambaen dua kario na marjudul Dao dot De dompak so maninggalkon Chuguo. Dua kitop on ipatop dot ipatandaon manjadi Daode Jing na marisi 5000 huruf Tionghua i 81 bab.
Referensi
- ↑ 1.0 1.1 https://web.archive.org/web/20071009104937/http://www.chigung.org/Soft_Show.asp?SoftID=44
- ↑ http://www.chinataiwan.org/web/webportal/W5267121/Uniulq/A241589.html
- ↑ https://web.archive.org/web/20160306081605/http://www.chinaculture.org/gb/cn_madeinchina/2005-09/29/content_73461.htm
- ↑ 4.0 4.1 https://web.archive.org/web/20070928083757/http://140.112.2.84/~fchsu/Lao-Chuang-Lecture/discuss_16/report/TheViewpointOnConfuciusOfChuangTzu_2.html