Taksonomi (tingon saro Yunani Kuno τάξις (taxis), mararti "pangaturan", dot -νομία (-nomia), mararti "metode") ima elmu nagiot manontuon dot mangalen gorar kalompok organisme na mardasarkon karakteristik dasor na sarupo[1]. Organisme dikelompokkon manjadi taksa (tunggal: takson) dot kelompok-kelompok on ilehen tingkatan taksonomi; kelompok-kelompok na ilehen tingkat tartontu dapot ipasada tu mambontuk kelompok super dohot tingkatan lobi ginjang, mambaen adongna hirarki taksonomi. Bagian utamo i panggunaan taksonomi modern ima domain, karajaan, filum (divisi manombo ipake i botani tu mandokon filum), kalas, ordo, keluarga (familia), genus dot spesies. Ahli botani Swedia Carl Linnaeus ianggap man jadi bapak taksonomi, arani ia mangembangkon sada sistem na idokon dohot taksonomi Linnaea anso ikategorisasi organisme dot binomial nomenclature tuna manggorar organisme.[2]