Wp/btm/Julius Caesar

Gaius Julius Caesar (Latin: C·IVLIVS·C·F·C·N·CAESAR¹) (13 Juli 100 SM–15 Maret 44 SM) ima sada pamimpin militer dot politikus Romawi na kakuasoanna tu Gallia Comata pabolak dunia Romawi sampe Oceanus Atlanticus, na manyerang Romawi parjolo tu Britania, dot patandaon pangaruh Romawi tu Gaul (Perancis saonnari), sada abarhasilan na akibat langsungna lek nida sampe saonnari.

Gaius Julius Caesar
Diktator Republik Romawi
Maso kakuasaan	Oktober 49 SM – 15 Maret 44 SM (manjadi diktator dot/sanga konsul)
Gorar Singkop	Gaius Julius Caesar
Sorang	13 Juli 100 SM
Inganan sorang	Subura, Roma
Wafat	15 Maret 44 SM (55 tahun)
Inganan wafat	Curia Pompey, Roma
Adaboru	Cornelia Cinna minor 84 – 68 SM Pompeia 68 – 63 SM Calpurnia Pisonis 59 – 44 SM
Pinompar	Julia Caesaris 85/84 – 54 SM Caesarion 47 – 30 SM Augustus 63 SM – 14 M (anak na koum, ipature ia sidung-maninggalna manjadi anak Caesar i taon 44 SM)
Wangsa	Julius-Claudius
Amang	Gaius Julius Cæsar
Inang	Aurelia Cotta

Julius Caesar marporang dot mamonangkon sada porang sudaro na mambaen ia manjadi panguaso tarhebat dunia Romawi, dot mamuloi reformasi godang-godangan taradop masyarakat dot pamarentah Romawi. Ia manjadi diktator sapanjang ngoluna, dot mamusatkon pamarentahan na malambok sajo i republik on.

Caesar maninggal i 15 Maret 44 SM akibat isusuk sampe mate dibaon Marcus Junius Brutus dot senator Romawi. Karejo pambunuan niaon i ari Idi Maret manjadi gara porang sudaro padua na manjadi ujung Republik Romawi dot pangkal Kakaisaran Romawi i toru kakuasoan pompu alaklai dot anak pungutnia, Kaisar Augustus.

Kampanye militer Julius Caesar binoto sacara singkop lewat tulisan ni ibana Kumpulan Komentar (Commentarii), dot bahat tingon pardalan ngoluna na tarsurat i ahli sejarah songon Gaius Suetonius Tranquillus, Mestrius Plutarch, dan Lucius Cassius Dio.